Hier nae volght de/ cedulle daer voe(r) af geruert/ es gescreven bijd(er) prop(er) hant/ des voirs(creven) henricx/ Opde goede hier nae bescreven salmen
//
tweelf rijnsgulden(en) erffellijck inden/ yersten op een woeninge metten/ huysen hoven stallen ende allen/ sijnen toebehoirten gelegen opde/ leyde tusschen den goeden meest(er)/ henricx wijlen meys ende den/ goeden der erfgenamen lijsbetthen/ wijlen smeets Item op een/ huys metten pleyne ende allen/ sijnen toebehoirten geleghen/ inden wierinck tusschen de bru/ werye geheeten den ynghel ter/ eenre ende den goeden henricx/ moerkens ter ander zijd(en) De/ voirs(creven) yerste goede salmen wara(n)/ deren op xxv rijnsgulden(en) erffelijc/ lichts gelts ende op thien stuvers/ erffelijc in ouden chijse Ende/ dander huys op acht stuv(er)s ende/ thien groote(n) erffelijc ende op vijff/ rijnsgulden(en) erffelijc Ende t(er) meerd(er)/ sekerheyt der voirs(creven) tweelf rijns/ gulden(en) erffelijc te doene soe salmen/ tonderpande setten tweelf croenen erflijc/ opde craye staende inde steenstrate/ Ende noch drie rijders erffelijc staen(de)/ opde nootscale Tvoirs(creven) yerste/ huys es nu wel weert in swae(re)n/ ghelde ten mi(n)sten xxxvi rinsg(ulden)/ erffelijc ende dander huys ghelt/ t(er) hueri(n)ghen negen rijnsgulden(en) Soe/ es dat beet(er) dan dair uuyt gaet/ drie rinsgulden(en) en(de) omtrint xii st(uvers) erffelijck