Nae dien goirdt vanden wyere op heden inde banck voe(r)/ meye(r) en(de) scepen(en) van loeven(en) comen es geven(de) te kynnen/ hoe dat hij alhier bescreven hadde arnde zanders poirte(r)/ van des(er) stadt mits dien dat de selve hem zeke(re) sculden/ mett(er) selver poirterien voirghinck d(air)van hij hem hadde/ pijnen te bethijden inde banck van zome(re)n welcke poirte(r)/ niet en comp(ar)eerde navolgen(de) den selve(n) bescriven(en) hem des/ gedragen(de) in dien totte(n) br(ieven) d(air) af geexpedieert versueken(de)/ alsoe gere(n)voyeert te zijne ter plaetsen voirs(creven) om ald(air) tegen/ den selve(n) poirte(r) rechts te plegen niet wed(er)staen(de) de vrijh(eyt)/ vand(er) poirterien Es gewesen nae dien genoech/ gebleken es de voirs(creven) brieve gescreve(n) te zijne t(er) maniss(en)/ smeyers bijd(en) scepen(en) geliefde den voirs(creven) goirde zijn p(rese)ntacie/ te doen theeken(en) dat hij dat doen mochte en(de) hadde hij d(air)entind(en)/ voerde(r) gebreck dat hij dat volchde bijden borg(er)meest(er) In/ scampno junii viii