Villicus lovanien(sis) median(tibus) scabinis lovanien(sibus) adduxit/ he(n)ricu(m) de heymo(m)mez tamq(uam) executorem testame(n)ti/ et ultime volu(n)tat(is) d(omi)ni joh(ann)is marotton p(res)b(yte)ri ubicu(m)q(ue)/ locoru(m) tam infra lovaniu(m) q(uam) extra in p(at)ria braban(tie) sit(a)/ in mansionibus domibus curtibus t(er)ris arabilibus prat(is)/ pascuis silvis vineis censu t(re)censa redditibus/ et suis p(er)tinen(tibus) univ(er)sis pro c(er)tis recognitionibus/ et p(ro)missionibus consc(ri)ptis in l(itte)ris scabinoru(m) lovanien(sium)/ quaru(m) tenor sequit(ur) in hec verba Condt sij allen/ lieden dat her jan marotton prieste(r) deken der kercke(n)/ van sinte pet(er)s te ludick renu(n)cie(re)nde tot des naebescre/ ven es den p(ri)vilegien der eerweerdigher univ(er)siteyt/ van loeven(e) ende allen ande(re)n heeft bekint sculdich/ te sijne henricke van heymo(m)mez willem(me) piret ende/ lodewijcke van heymo(m)mez als executeurs van sijne(n)/ testamente en(de) uuyt(er)sten wille acht duysent nobele/ in goude der mu(n)ten des coninx van ynglant tot huer(er)/ manissen oft des eens van hen bringer sbriefs te/ betalen als v(er)volchde schout Ter meerder sekerheyd(en)/ justificatien ende sterckenissen van des voirs(creven) he(re)n/ jans testamente ende uuyt(er)sten wille bij hem gemaect/ oft die hij namaels sal willen maken op dat die/ te p(er)fecter te vaster ende gestentichlijcker ond(er)houde(n)/ worden ende hoi(r)en voirtganck hebben in allen hue(re)n/ pointen clauselen en(de) articulen ende te dien ynde/ ende meyni(n)g(en) dat nae uutwijsen vand(en) tractate/ tusschen de edelen en(de) goede steden vand(en) lande/ van brabant voirmaels gemaect en(de) den pointe/ d(air)inne begrepen rue(re)nde dat eenyegelijck dien/ het gelieft georloft es testame(n)te te maken(e) die/ sal mogen vastigen voe(r) de wetten vand(en) selven/ steden (et)c(etera) Ende voirts nae begrijp vanden/ pointe vand(en) incompst ons(er) princessen dair bij/ tvoirs(creven) tractaet es geapprobeert en(de) geco(n)firmeert/ de selve executeurs oft deen van hen tallen tijden
//
alst hem gelieft hem metten voirs(creven) beky(n)ne ende i dese(n)/ brieve sal oft sullen mogen doen leyden tot allen den/ goeden have vliegen(de) erve ende erve des voirs(creven)/ hee(re)n jans wair die gelegen sijn oft bevonden sullen/ mogen worden in woeni(n)gen huysen hoven wynnen(de)/ landen beempden eeussele(n) bosschen chijsen rinten pachten/ wate(re)n wouwe(re)n en(de) allen hue(re)n toebehoirten Ende/ metten selven beleyde nae sijn doot tselve sijn testame(n)t/ ende uuyt(er)sten wille ende begeert d(air)inne hij bevo(n)d(en)/ sal werd(en) aflivich geworden te sijne te doen vol/ bringen volvue(re)n volschien acht(er)volgen ende t(er) executien/ stellen in allen sijnen conditien clausulen ende articule(n)/ ende elken besundert sond(er) e(n)nich wed(er)seggen Ende/ oft ten tijde van sijnd(er) aflivicheyt niet bevonden en/ werde vanden goeden d(air)aff nae gheruert wort/ oft e(n)nigen van dien anders bij hem gedisponeert/ oft die in al oft in deele bij hem verhandelt/ verandert verthiert oft v(er)cocht te sijne soe/ heeft hij v(er)cleert ende begheert alsnu voir alsdan/ voir sijn testame(n)t uuyt(er)sten wille en(de) begheerte/ gesont van herten ende voirdachter verste(rf)nissen/ volbracht te hebben(e) ende crachteloos ond(er)houden/ te worden voldaen en(de) acht(er)volcht des hier nae/ volcht inden yersten acht(er)volgen(de) soe hij seyde der/ affectien ende begheerten van eenighen wijlen sijne(n)/ ouders aflivich sijnde heeft hij gegeven gelaten gemaect/ gheout gheaffecteert ende geordineert bij formen/ ende manie(re)n van testamente ende uuyt(er)sten/ wille ende mits desen gheeft hij laet maect/ out affecteert ende ordineert alle sijn goede/ voirs(creven) beruerlijck ende omberuerlijck wair die/ gelegen sijn oft bevonden sullen wordden in/ droeghen in naten nae zijn doot blivende en(de)
//
d(air)aff hij anders gelijck voe(r) niet gedisponeert ende/ gedaen en sal hebben puerlijck om goidswille en(de)/ in gherechter aelmoessen(en) lodewijcken zone henricx/ van heymo(m)mez scholier canonick ende coste(r) der kercke(n)/ van sinte peters te ludick ende oick marien ende/ johannen dochte(re)n desselfs henricx van heymo(m)mez/ geprocreeert ende gesusciteert uuyten lichame alijten/ wettige weerdynne desselfs henricx en(de) voirt/ den ande(re)n kinde(re)n die bijden voirs(creven) henricke/ uuyten lichame der voirs(creven) alijten sijns wijfs/ geprocreeert ende gesusciteert sullen worden/ Ende den wettighen kinde(re)n die van eenighen/ der selver kinde(re)n comen waren ofter e(n)nighe weren/ die alleene in huer(er) ouders handen stadt ende/ gedeelte staen(de) inden gevalle oft die selve ouders/ alsdan aflivich wae(re)n overmits sunderlingher affectie(n)/ liefden ende gunsten die hij te henweert draecht/ in gelijcken portien ende deelen den selve(n) kinde(re)n/ ende kints kinde(re)n in huer(er) ouders gedeelte staende/ tot hue(re)n orbe(re) ende prouffite te deylen(e) deylen(e)/ Ende namaelijc de goede chijse rinten ende/ pachten naebescreven yerst alle sijn goede te/ geldenaken en(de) d(air) omtrint metten toebehoirten/ ende den wynnenden landen beempden/ bosschen eeusselen rinten opcomi(n)gen van gelde/ hem ald(air) e(n)nichssins in sijnen leven(en) toebehoiren(de)/ ter estimatien van hondert mudden corens der/ maten van loeven(en) jairlijcx Oick [thuys metten landen eeussele(n) bossche(n) beempd(en) rinten en(de) ande(re)n hue(re)n toebehoirten toffus gelege(n) indestima(n)tie en(de) weerd(en) van vijftich mudde(n) core(n)s loven(scher) mat(en) jairlijcx] It(em) alle sijn/ goede landen beempden rinten van wat/ natue(re)n die sijn te nodewez taynines marilles/ nordrengnes ende herbaix inder weerden van
//
tachtentich mudden corens der maten van loeven(e) voirs(creven)/ jairlijcx Item alle sijn goede inden dorpen van/ sint jans gheest sinte marie gheest sinte remeys/ gheest soe in landen en(de) rinten hoedanich die sijn/ inder estimatien ende weerden van hondert/ mudden corens der voirs(creven) maten jairlijcx Ende/ noch oick alle ende yegewelke sijn goede huysen/ hoven landen beempden eeusselen bosschen chijsen/ van capuyne(n) ende ghelde inden dorpen van/ hugaerden bevekem ende duerne inder estimatie(n)/ ende weerden van twee hondert mudden core(n)s/ lovenscher maten jairlijcx Item sijn huys ende/ hoff metten toebehoiren gelegen inde minder/ bruederstrate te loven(en) met allen en(de) yegewelke/ haeflijcken ende ghereeden goeden en(de) vliegen(de)/ erve dair inne bevonden wesen(de) hem toebehoiren(de)/ ten tijde van sijnder aflivicheyt Ender inder/ gelijcker manie(re)n oick alle ende yegewelke sijn/ ande(re) beruerlijcke en(de) omberuerlijcke goede v(er)cregen/ en(de) namaels te vercrigen van oft tegen wien dat/ sij bij successien v(er)sterffenissen coepe ghiften oft/ anderssins hoedanich die sijn wair sij bevonden/ sullen worden heeft oick deselve her jan/ d(air) toeghevuecht oft e(n)nich vand(en) voirs(creven) kinde(re)n/ storve sonder wettighe ghebuerte van hem/ achter te laten(e) dat dies kints gedeelte alsoe/ aflivich geworden sijnde comen vallen ende/ verschijnen sal den ande(re)n kinde(re)n dan leven(de)/ oft wettigen kints kinde(e)n in hue(re)n ouders stadt/ staende gelijckelijck te deylen en(de) soe van alle(n)/ den kinde(re)n voirs(creven) totten lesten toe incluys/ de wettighe kints kinde(re) in huer(er) ouders stadt/ staen(de) op dat sij ghelijck voe(r) aflivich wae(re)n/ met vorweerden en(de) condicien oick oft alle
//
de voirs(creven) kinde(re) die de voirs(creven) henrick van alijten/ heeft oft v(er)crigen sal dat god versie aflivich word(en)/ sonder wettige ghebuerte ende eer sij ende elck/ van hen achtien jair oudt wae(re)n dat dan alle/ de voirs(creven) goede chijse rinten pachten toecomen/ vallen verschijnen ende versterven souden marien/ sijnd(er) sust(er) weerdynne willems piret en(de) hue(re)n/ kinde(re)n voir deen derdendeel der kercken van/ sinte medarts om te singhen inder selver kercken/ de seven getijden voir dander deel Ende der/ tafelen des heylichs gheest den huysen vanden/ gasthuyse ende siekerliede ende oick der fabrijcke(n)/ der voirs(creven) kercken van sinte medarts te geldenaken/ voir dleste derdendeel in gelijcken deele ende/ portien tusschen hen te deylen hier inne nochtan/ versien dat elck vanden voirs(creven) kinde(re)n soe/ wa(n)neer dat totter ouder van achtien jae(re)n ende/ d(air)enboven comen sal sijn van sijnen gedeelte sal/ mogen testate(re)n ordine(re)n en(de) dispone(re)n dair en(de)/ soe hem dat goet duncken ende ghelieven sal/ Hier waren over jan vand(er) borch ende gielis/ van cav(er)chon scepen(en) te loven(e) Gedaen int jair/ ons hee(re)n duysent vierhondert ende tachtenticht/ opden twintichsten dach der maent van januario