Vander questie(n) gecomen bijd(en) raide vand(er) stadt tussche(n)/ arnold(us) van kets den ouden als p(ro)cur(ator) vand(er) inf(ir)marie(n)/ vand(en) grote(n) beghijnhove bynne(n) des(er) stadt t(er) eenre/ lambrechte vand(en) velde ende [vacat] als bedesett(er)s/ des dorps van meldert t(er) ande(r) zijd(en) de welke de/ voirs(creven) arnoldus ald(air) bescreve(n) hadde mits dien dat/ deselve soe hij te kynne(n) gaff hadden gepant seke(re)/ tarwe en(de) grain den arme(n) vand(er) inf(ir)marie(n) toebehoiren(de)/ gecome(n) van hue(re)n goed(en) ald(air) en(de) tselve vercocht voe(r)/ seke(re) bede die sij den selve(n) arnold(us) ind(en) name als/ voe(r) eysschen(de) wae(re)n uuyt sak(en) vand(en) goed(en) d(er) selv(er)/ infirmarie(n) toebehoiren(de) ald(air) gelegen die tot h(ier)toe/ noyt t(er) beden gestaen en hadden bege(re)nde alsoe r(e)stitutie/ in dien vand(en) selve(n) vercochte(n) goeden en(de) van eene(n)/ sacke d(air) die t(ar)we inne was dien zij mede vercocht/ hadden mette(n) coste(n) bij he(m) in dien geleden Dair tegen/ de voirs(creven) bedesett(er)s seyden hoe dat zij seke(re) bevele/ gehadt hadden van ons(er) genad(icher) he(re)n wegen van alle/ goed(en) hoedanich die wae(re)n stocgoed(en) oft ande(re) de bede/ af te moege(n) heffen d(air) zijs he(n) toe gedroegen hoopen(de)/ alsoe wel gefund(eer)t te zijne exhibeerd(en) oic een zeke(re)/ ma(n)dame(n)t d(air)mede genoech bevole(n) werdt de voirs(creven)/ goede t(er) beden te stellen(e) te weten(e) den begijnhove/ toebehoiren(de) hoe wel tselve opde arme ald(air) niet/ gefund(eer)t en was bliven(de) alsoe in hue(re)n voirnemen(e)/ dat zij wel gefund(eer)t wae(re)n mett(er) voirs(creven) pandingen/ en(de) vercoepinge(n) bij he(n) gedaen ende dat dese saken/ acht(er)volgen(de) den selve(n) ma(n)deme(n)te versond(en) soude/ werd(en) ind(en) raide van brabant D(air)op de voirs(creven)/ arnold(us) replice(re)nde hoepte als voe(r) neen te voirde(r)/ want die noyt t(er) bed(en) gestaen en hadden ende/ oic al wairt dat de voirs(creven) bevelen stat soud(en)/ grijpen bijd(en) voirs(creven) bedesett(er)s geallig(er)t d(air)af hij hoepte/ neen te voirde(r) want die (contra)rieerd(en) d(er) instructien
//
tande(re)n tijd(en) gemaict opde bede a(n)no li en(de) oic dese manie(re)/ van doene bijd(en) staten noyt ov(er)gegeve(n) en es geweest soe/ en consten he(n) die gheen o(n)tstade gedoen want oic de/ heyligeest(en) en(de) arme(n) huyse goed(en) gelijc inf(ir)marie(n) gast/ huyse(n) ende dier gelijke uuytgenome(n) wae(re)n inde br(ieven)/ die van ons(er) genad(icher) he(re)n wegen uuytgesond(en) mochte(n) wese(n)/(contra)rie als bove(n) der voirs(creven) instructie(n) bliven(de) alsoe bij zijne(n)/ voirs(creven) voirnemen(e) p(rese)nte(re)nde nochtan altijt vand(en) goeden/ d(er) selv(er) arme(n) die bevond(en) souden moegen werdde(n) bede sculdich/ te sijne d(air) af te gelden(e) gelijck ande(re) ingeseten(en) vand(en) vryen/ steden navolgen(de) derselv(er) instructien Es get(er)mineert ende uuyt/ gesproken voe(r) recht den voirs(creven) p(ar)tien hierop bijden selve(n)/ raide gelet sijnde dat de voirs(creven) bedesett(er)s sculdich souden/ sijn den voirs(creven) arnold(us) costeloes en(de) scadeloes tvoirs(creven) grain/ mette(n) sacke bij he(n) afgepant te restitue(re)n oft zijne(n) moet/ in dien te hebben als tonrechte gebuert Behalven oft/ bevond(en) wordde dat deselve infirmarie ald(air) e(n)nige goed(en)/ hadde(n) onvry zijnde dat zij d(air)van gestaen sulle(n) de loopen(de)/ bed(en) bijden lande geconseteert zij(n)de betalen(e) gelijc ande(re)/ ingeseten(en) vand(er) steden oft ande(re) arme goidshuys(en) doende/ sullen moete(n) zijn acht(er)volgen(de) der instructien voirs(creven) a(n)no/ li geordineert bijd(en) staten van desen lande Ende tot dien/ gelast den selven bedesette(re)n want zij he(n) h(ier)inne g(ro)telik(er)/ mesgrepen hadden mits seke(re)n impetratien bij he(n) hierop/ en(de) tegen gedaen ende bynnen den bescriven(en) van des(er)/ dat zij d(air)aff souden gaen in een vand(en) vroenten van/ des(er) stadt ende comen d(air)aff bijden borg(er)meest(er) geloven(de)/ te doen alsulk(er) correctie(n) alsmen op hen mits den selve(n)/ hue(re)n mesgrijpe ordine(re)n soude In cons(ili)[o] opidi m(ar)tii s(e)c(un)da