Nae dien op heden bijden raide vander stadt sijn gecom/ pareert jan van espen jan machiels valentijn baten scepen(en)/ van berchsem onder jonche(re)n rase baillet ende oick met he(m)/ lod(ewijck) de coste(r) te kynnen geven(de) hoe dat den segel vand(en)/ scependo(m)me dair mede zij gewoenlijc hadde(n) geweest ende/ hen voirsete(n) te segelen(e) alle saken p(ar)tien aengaende van
//
erfdo(m)me verthiering(en) ende belastinge(n) in dien en(de) ande(re)n/ contracte(n) verlore(n) was ende hen genome(n) die(n) zij niet/ en consten wed(er)gecrige(n) ende dat bijde(n) volcke van wapen(en)/ ind(en) orloge(n) ende divisien die alh(ier) ind(en) land(en) hadden geweest/ dien zij grotelijck gebreck hadden bege(re)nde alsoe dair aff/ consent vand(er) selv(er) stadt als hen ov(er)hoet dair zij onder/ sorte(re)nde zijn om eene(n) ande(re)n te moege(n) doen maken op/ dwelc de stadt geledt hebben(de) bevi(n)den(de) de begheerte/ redelijc te sijne heeft de selve hen geconsenteert eenen/ nyeuwen segel te moegen doen maken opde oude manie(re)/ Behalve(n) dat dair e(n)nich teken van onderscheyde vanden/ vorsten hue(re)n segele inne gestelt werdde Ende oft den/ ouden vonden wordde oft t(er) hant quame datme(n) den/ eene(n) van dien te nyeute doen sal In consilio opidi/ decembr(is) v[ta]