Hier nae volght de cedulle vande(n) goede(n) d(air)voe(r)/ int voirgaen(de) vonnesse mentie aff gemaict es/ hier nae volgen alsulke goede ende rinten toebehoiren(de) woute(re)n/ vanden tymple d(air)op de procur(ator) sgodshuys vand(er) mi(n)derbruede(re)n/ als geleydt totten goeden desselfs wouters beyde have en(de)/ erve alsnu begheert te procede(re)n/ Ende yerst op lii stuv(er)s erffelijck aen ende op een huys/ ende hoff metten toebehoirte(n) gelegen inden ham dwelc/ toebehoirt janne vanden heetvelde dwelc toe te behoe(re)n/ plach vrancken van papenbroeck/ It(em) op huys ende hoff gelegen inde borchstrate die andries/ ymbrechts alsnu in hueri(n)gen houdende es gelege(n) tussche(n)/ de goede willems hubrechts op deen zijde en(de) de vrouwe/ van hondshem ter ande(re) strecken(de) acht(er)werts totte(n) goede(n)/ arnts vynck ende claes van hoelen/ It(em) op zijn huys ende hoff metten toebehoirte(n) gelege(n)/ inde coestrate tusschen hue(re)n regenoeten/ It(em) noch op huys ende hoff gelege(n) inde mu(n)tstrate tussche(n)/ hue(re)n regenoeten/ It(em) sijn hoff mette(n) toebehoirte(n) gelege(n) te wijchmale dair/ nu t(er) tijt inne woent goirdt vanden campe