Item de voirs(creven) zesse pet(er)s erfelijck zijn bevesticht op de/ voirs(creven) goede in betalingen ende recompensien van alsulck(er)/ drie ryders erfelijck te xxvii stuv(er)s tstuck als beat(ri)cen/ ende josijne(n) dochte(re)n wout(er)s wijlen baten bekint zijn/ voir scepen(en) van loeven(en) bij arnde vanden scrieke ende/ zijn medepleg(er)s int jair lxxi januarii xi nae inhoudt/ der scepen(en) br(ieven) van loeven(en) dair af wesen(de) welke br(ieven)/ metten beleyde d(air) uuyt gespruyt bliven zullen in wesen(de)/ ter meerder zekerheit vanden selve(n) sesse pet(er)s erfelijck voirs(creven)/ om in dien gevalle dair inne gebreck ware van betali(n)g(en)/ oft dat ande(re) p(er)sone(n) hen p(ro)cede(re)n woudde(n) met ande(re)n beleyde/ oft actien opde selve goede oft hen stoot hynder oft letsel/ d(air)aen doen dat de voirs(creven) gielijs van cav(er)chon en(de) zijn/ medepleg(er)s voirs(creven) in dien gevalle mette(n) selve(n) brieve en(de)/ beleyde hen sulle(n) moegen behulpe(n) tott(er) betali(n)g(en) vanden/ selve(n) vi pet(er)s te come(n) oft de selve ande(re) beleyde(n) en(de) actie(n)/ d(air)mede te scutte(n) behalve(n) dat de gehuyssche(n) met/ eender betali(n)g(en) gestaen sulle(n) cor(am) eisd(em)