Item kathelijne van cav(er)chon weduwe jans wijlen/ van boxlair in p(rese)ncia heeft getransporteert gecedeert/ ende overgeg(even) ende mits desen transporteert cedeert
//
ende gheeft over hee(re)n pete(re)n van cav(er)chon p(ri)este(r) hue(re)n/ neve alle hue(r) hellicht rechte prouffijte(n) en(de) jairlijcx/ income(n) den t(er)mijn vanden drie naistcomen(de) jae(re)n van/ hue(re)n hove en(de) goeden gelegen ts(in)te katlijne(n) wavre/ geheete(n) sclercx poerte met allen den toebehoirten/ van weyhue(re)n houwe(n) van bosschen tijtv(er)dich zij(n)de/ ende anderssins al dat bynne(n) den selve(n) drie jae(re)n/ huer oft dit transport niet en ware geschiet d(air)af/ soude moegen come(n) in e(n)nig(er) manie(re)n Ende dit/ op tvoldoen en(de) betalen de jairlijssche co(m)me(re)n/ dair uuytgaen(de) als die gevallen sulle(n) zijn alzoe/ dat die goede dair voe(r) niet beschadicht en werdde(n)/ Ende dairemboven noch jairlijcx xxiiii rinsg(ulden)/ die de selve katlijne zijn moeye dair zij die/ sculdich es oft sal be wesen hem bewijsen sal jairl(ijcx)/ te betalen Ende soe wes hue(r) hellicht oft deel/ van des voirs(creven) steet jairlijcx beet(er) es oft zijn sal dan/ de voirs(creven) co(m)me(re)n dair uuytgaen(de) ende oick de/ voirs(creven) xxiiii r(ins) g(ulden) tsjaers te bewijsen als voe(r)/ dat sal de selve her pet(er) hebbe(n) en(de) behoude(n) tot zijne(n)/ prouffijte jairlijcx dese drie jae(re)n due(re)nde voe(r)/ alsulcx diensten van messen als d wijlen de/ voirs(creven) jan van boxlair huer man in zijne(n) testame(n)te/ geordineert gemaict ende gelaten heeft bijd(en)/ naiste(n)leven(de) vand(er) geslechte gedaen te wordde(n)/ dair af de selve h(er) pet(er) den last heeft die te/ doene en(de) doen moet ten mynsten de(n) selve(n) t(er)mijn/ due(re)nde Ende heeft aldus de selve weduwe/ den selve(n) he(re)n pete(re)n gemechticht de selve prouffijte(n)/ desen tijt due(re)nde jairlijcx te mane(n) teysschen op/ te bue(re)n ende tontfangen ende die met rechte
//
te vervolgen ende te verantwerden Et generalit(er)/ et spe(ci)alit(er) Promittens rat(um) absq(ue) calculo cor(am)/ graven borch junii xii[a]