Vand(er) questien gecome(n) inde banck voe(r) meye(r) en(de)/ s(in)[te] pet(er)sma(n)nen van loeven(en) tusschen lambrechte de/ groote t(er) eend(er) ende henr(icke) vand(en) nuwe(n)huys sinte/ pet(er)sman t(er) and(er) zijd(en) welke henrick den voirs(creven)/ lambrechte alh(ier) bescreven hadde als voir p(er)soneel/ actie d(aer)van de voirs(creven) lambrecht alsoe hij seyde
//
hem volgen(de) was voir drossete ende scepen(en)/ van gheele ind(er) maten de brieven bijden selve(n)/ henr(icke) gei(m)petreert dat inhielde(n) D(aer)tegen de/ voirs(creven) lambrecht te kynne(n) heeft gegeven hoe dat/ hij sijn vervolgh ald(aer) gedaen hadde op seke(r) gronde/ van erve voir een mudde roggen erff(elijc) d(er) maten/ van ghele ende alsoe voir actie reeel ald(aer) v(er)volgen(de)/ was hopen(de) gere(m)voyeert te werdden(e) D(aer)op de/ voirs(creven) henrick s(in)[te] pet(er)sman seyde al mochte de/ voirs(creven) lambrecht sijn vervolgh ald(aer) ged(aen) hebbe(n) ind(er) mat(en)/ voirs(creven) was nochtan in dien de selve/ verdoelt ghemerct dat den brieff vanden/ voirs(creven) rinten ende de selve rinte te nyeute/ was mits dat hij he(m) d(aer)voe(r) i(½) gille beempts/ gegoet hadde ende mits dien tussche(n) hen bevorw(er)t/ was dat tvoirs(creven) mudde corens v(er)smelte(n) soude/ sustine(re)nde alsoe dathij met zijnen voirnemen(en)/ vand(en) voirs(creven) mudde corens verdoelt was p(rese)nte(re)nde/ de selve henr(ic) vand(en) nuwenhuys des bij he(m) v(er)haelt/ was te thoen(en) D(aer) tegen de voirs(creven) wed(er)p(ar)tie/ tselve ontkynnen(de) seydt dat dien niet wederstaen(de)/ gemerct dat zijn geintenteerde actie reeel was dat/ hij gere(m)voyeert soude werdden als voe(r) Es gewese(n)/ ter manissen smeyers bijd(en) voirs(creven) s(in)[te] pet(er)sma(n)nen/ dat zij de zake ende p(ar)tien remvoyeerden t(er) plaetse(n)/ dair de gronde vanden rinten d(aer) questie aff es/ gelegen zijn In scampno cor(am) duffle beert boxhoe(re)n/ wairseghe(re) homi(ni)b(us) sancti petri decembr(is) t(er)cia