Item de voirs(creven) peet(er) boschman heeft geloeft den voirs(creven)/ janne gheerma(n)s want seke(r) desselfs jans goede te leefdale/ gelegen te weten(e) huys ende hoff met drie dach(mael) lants/ d(aer)aen liggende v(er)onderpant ende v(er)oblig(er)t staen met den voirs(creven)/ twee huysen mette(n) toebehoirten voir de voirs(creven) twee/ rijders erff(elijc) de de dis(tri)butie van sinte pet(er)s d(aer)op heffen(de) es/ dat hij de selve twee rijders erff(elijc) bynne(n) eene(n) jae(r) naistc(omende)/ lossen sal aende selve dist(ri)butie oft e(m)mer den selve(n) ja(n)ne/ gheerma(n)s voe(r) de selve twee rijders erffel(ijc) ande(r) goede/ loffelijcke pande te stelle(n) om in gevalle oft desselfs jans/ gheerma(n)s goede voirs(creven) naemaels d(aer)voe(r) gepraempt/ wordden dt hij die prami(n)ge in dien gevalle vanden/ selve(n) twee rijd(er)s erffelijc los houden dwelc van beyden/ den selve(n) pete(re)n best gelieven sal cor(am) eisd(em)