Nae dien lambeert duffay de jonge als geleydt nae/ des(er) stadt recht voir zijn wettich gebreck uuyt crachte/ van scepen(en) br(ieven) van loeven(en) voe(r) seven lichte gulden(en) nae/ uuytwijsen(e) sijne(n) besceyde dair van wesen(de) tot allen/ den goeden beyde have ende erve claes voelkens lijsb(etten)/ bastijns zijnd(er) werdi(n)nen ende jans wijlen cuypers come(n)/ es inde banck voe(r) meye(r) ende scepen(en) te kynnen/ geven(de) hoe dat hij voir tgebreck vand(en) inhouden(en) der/ selver zijnd(er) brieve(n) ende besundert van dat zij hem/ geloeft hebben los ende vry te houden(e) van allen/ beden ende lasten die opde selve rinte soud(en) moegen/ slaen dair van hij in gebreke was van thien stuv(er)s/ eens die hem vand(en) voirs(creven) rinten vand(er) beden afgecort/ wae(re)n bij henr(icke) vanden berge ende die die aff hadde/ moten betale(n) bege(re)nde d(aer)aff restitutie ende voirt in/ dien sekerheyt en(de) vestich(eit) te hebben(e) van loff(elijcke) erfpand(en) als/ dat hij vand(en) toecomen(de) tijde de selve zijn rinte vry/ / ende los soude moege(n) blive(n) nae uuytwijsen(e) zijnd(er)/ brieve(n) hem genoech zijnde ende hem d(aer) voe(r) met/ behoirl(ijcke) br(ieven) van des(er) stadt hadde doen leve(re)n de goede/ der selv(er) p(er)soenen aend(en) meye(r) van zichen(en) oft zijnen/ stadthoude(r) te waenrode d(aer) onder die gelege(n) wae(re)n/ en(de) dach doen besceyde(n) den voirs(creven) claese zijn huysvr(ouw)/ derfg(enamen) des voirs(creven) wijle(n) jans tot eene(n) seke(re)n daige/ voirleden Ald(aer) de voirs(creven) p(ar)tie(n) comp(ar)eerd(en) met eene(n)/ procur(eur) te weten(e) jacoppe wittema(n) die d(aer)af dach/ nam van v(er)antw(er)den(e) ende nae seke(r) vervolgen bij/ he(m) ald(aer) gedaen zijn de selve gedaigde acht(er)bleven/ sond(er) oick dat de voirs(creven) procur(eur) hem des aengedrage(n)/ heeft oft de voirs(creven) gelev(er)de goede verantw(er)t V(er)sueken(de)/ alsoe de selve lambeert trecht in dien ald(aer) ten/ selve(n) tijde tvo(n)nisse van co(n)tumatien bijd(en) scepen(en) t(er)/ maniss(en) smeyers gewesen werdt Te weten(e) soe/ verre de wed(er)p(ar)tie des voirs(creven) geleydden niet en/ comp(ar)eerde ten opstaen(e) smeyers en(de) der scepen(en) datme(n)/ den geleydden houden soude in trecht van zijnd(er)/ leveri(n)gen ende scepen(en) br(ieven) soe verre dat noch voir/ hen comen es Naeden welcken de selve wed(er)p(ar)tie/ des voirs(creven) lamb(er)ts wed(er)o(m)me comen zijn impetreren(de)/ des(er) stadt br(ieven) d(aer) mede zij tvoirs(creven) vo(n)nisse van (con)t(rarien)/ als voe(r) gewesen purge(re)n woud(en) besceyden(de) also den/ selve(n) lamb(er)de wed(er)o(m)me dach voir meye(r) ende scep(enen)/ Ald(aer) de selve p(ar)tie(n) lange volghden ende besund(er)t/ de voirs(creven) lamb(eer)t p(rese)nte(re)nde int principael als/ op heden voirts te varen(e) bij alsoe zijn voirs(creven) p(ar)tie(n)/ oft p(ro)cur(eur) van hue(re)nt wegen alnoch p(rese)nt wae(re)n hem/ opleggen(de) zijn behoirl(ijcke) coste(n) te voe(re)n bij hem in des(er)/ geleden aengaen(de) den voirs(creven) vo(n)nisse van co(n)tumatien/ soe dat nae des(er) stadt recht behoirde Dair nyema(n)t/ als op nu ende oick wed(er)o(m)me tegen come(n) en es noch/ p(ar)tie noch p(ro)cur(eur) van hue(re)nt wegen versueken(de) alsoe/ uterlijc de selve lamb(er)t gem(er)ct dat zij niet en (com)p(ar)eerd(en)/ / ende aldus lange hen hadden laten volgen dat/ hem de gelverde goede aengewese(n) werdd(en) om zijn/ gebreken die hij p(rese)nteerde te verifice(re)n op dats behoefde/ d(aer)aene te verhalen Es gewesen t(er) manissen smeyers/ soe verre de selve p(ar)tien niet en comp(ar)eerd(en) voe(r)/ dopstaen smeyers ende der scepen(en) dat lambeerde/ voirs(creven) tot zijne(n) gebreken behoeff volgen soud(e) de/ geleverde goede om de selve d(aer)aen te verhalen(e)/ op de p(rese)ntatie bij hem gedaen in scampno januarii/ penulti(m)a