It(em) jacop en(de) jan de colvenee(re) gebruede(re)n sone wijlen/ arnts beyde wonen(de) te leefdale in p(rese)ntia hebben/ / genomen en(de) bekint genomen te hebben tegen willem(me) vand(er)/ bruggen geheeten mette(n) gelde twee viverkens gelege(n)/ tusschen leefdale en(de) voshem dair de voe(r) tussche(n) beyde/ doirloept mette(n) wijtha(m)men en(de) da(m)men d(aer)aen liggen(de)/ alsoe groot als die ald(aer) gelegen zijn tussche(n) de goede/ sheylichs geests van voshem t(er) eenre zijd(en) m(ijn) hee(re) van/ afflighem t(er) ande(re) en(de) jans van leeuwe t(er) derder sijden/ Te houden te hebben en(de) te gebruyken van halfm(er)te/ lestleden eene(n) t(er)mijn van negen jae(re)n lanc due(re)nde/ deen nae dand(er) zond(er) middel acht(er)volgen(de) elcx jairs/ dae(re)nbynnen om en(de) voe(r) xxxii stuv(er)s te drie pl(a)c(ken) tstuck/ jairlijcx te paesschen te betalen(e) den [voirs(creven)] willem(me) jairl(ijx) den/ t(er)mijn due(re)nde quol(ibe)t ass(ecutu)[m] Ende es vorweerde dat/ de voirs(creven) gebruede(re)n de voirs(creven) vivers ond(er)houden/ sullen gelijck regenoete(n) en(de) gelijcmen de wate(re)n/ sculdich es te houden en(de) van allen ande(re)n wat(er)leyd(en)/ It(em) es oick vorweerde dat de gebruede(re)n jairl(ijx) de/ voere ruymen sulle(n) en(de) dese goede allessins onder/ houden also dat willem(me) gheen scade d(aer)bij en gebue(re)/ ende dat zij die niet en sullen moegen houde(n) gelijc/ die nu liggen mair die te slobbe(re)n van allen quade(n)/ cruyden te houden en(de) tgoir uut te worpen alsoe/ dats noet es Ende dese voirweerde (et)c(etera) cor(am)/ beert abs(oloens) april(is) xiiii