Comp(ar)e(re)nde voir den raide vander stadt arndt vanden bossche/ jan loots ende jan van coudenb(er)ghe als bedesett(er)s des dorps van/ pellemberch tegen j[o]h(ann)ese heyms dien zij dair hadde(n) ontboden/ aengaen(de) eender cedulle gescreve(n) bijder prop(er)der hant desselfs/ joh(ann)es heyms van xxiii(½) r(ins) guld(en) die soe de cedele me(n)tie/ maicte bijd(en) selven arnde vanden bossche betaelt zijnde opde(n)/ tax vanden pryse totte(n) viite(n) daige febr(uario) a(n)no xc voe(r) welk(e)/ xxiii(½) r(ins) guld(en) de selve van pelle(m)berch om die noch eens te/ betaelen(e) vervolcht ende gepraemt wae(re)n van pauwelse de/ verwe(re) rintmeest(er)s mijns he(re)n van chyene(n) als de ghene d(aer)aen/ de selve hee(re) van des hem aen dese stadt compt bewese(n) is/ geweest aangaen(de) des(er) so(m)me van xxiii(½) r(ins) guld(en) ende/ want zij eens d(aer)af betaelt hadden den selven joh(ann)ese soe/ sustineerde(n) zij d(aer)af ende vand(er) bewijsseniss(en) om he(m) in die(n)/ gedaen gelijc voir ongehouden te zijn ende dat de selve joh(ann)es/ he(m) de(n) last van dien sculdich ware af te nemen aen den/ selve(n) mijne(n) hee(re) van chyene(n) ende zijne(n) rintmeest(er) alzoe dat/ zij met eender betaling(e) mochten gestaen Op dwelc de/ voirs(creven) joh(ann)es aengesien hebben(de) de selve cedele ende die bekynnen(de)/ selve gescr(even) te hebben(e) sustineerde d(aer)af ongehoude(n) te wesen/ Te voirder want die cedele van he(m) niet gehantheeken(t) en was/ almoch hij die selve gescr(even) te hebbe(n) oick en bleke van dier/ betalinghe niet in zijn ontfanck boeck d(aer) hij mede op ende/ afghinck ende den welke(n) hij met zijnd(er) eedt stercke(n) woudde/ van die niet gehave(n) te hebben(e) dwelck e(m)mer [soe] hij meynde behoe(re)n/ soude Dair tegen de bedesett(er)s r(e)plice(re)nde seyd(en) dat de cedele/ gescreve(n) bijd(en) selve(n) joh(ann)ese was te achte(re)n voir aute(n)tijck/ ende de selve arndt vanden bossche p(rese)nteerde bij zijne(n)/ eedt te houde(n) ende te cleren dat hijs de(n) selve(n) joh(ann)ese die/ betalinghe vande(n) xxiii(½) r(ins)g(ulden) alsoe selve gedaen hadde/ met meer woerdde(n) hinc inde Es uuytgesproken en(de)/ / get(er)mineert dat de selve joh(ann)es gehouden sal zijn die vand(en)/ voris(creven) dorpe aen den voirs(creven) pauwelse(n) den rintmeest(er) vand(er)/ so(m)me voirs(creven) tontlasten(e) ende tselve dorp d(aer)af quijt te houde(n)/ in cons(ili)o opidi p(rese)ntibus duffle burg(imagistr)[o] et plu(r)ibus aliis/ tam scab(inis) q(uam) cons(iliariis) ap(ri)lis xxi