Item lamb(er)t pluyne woenen(de) te halen pet(er) bruystens al(ia)s van belanden(e)/ zone wijlen jans woenen(de) nu t(er)tijt te fontaines bartholomeus/ bruystens al(ia)s van belanden(e) sone wijlen barth(olomeus) ende de selve/ pet(er) ende barthelmeeus bruystens inde(n) name en(de) van wegen lod(ewijcke)/ bruystens geheten van belanden(e) sone wijlen henricx ende jan/ van espent sone wijlen jans dien hij hadde van heylwigen wijle(n)/ bruystens geheete(n) van belanden(e) zijnder huysvr(ouw) nu absent zijnde/ de welke de selve pet(er) ende bartelmeeus voirs(creven) h(ier) inne gelooft/ hebben te vervangen om des nae bescr(even) steet insgelijcx/ gelijc he(m) te geloven hen seggen(de) erfg(enamen) van geldolve wijle(n)/ vanden schelve ende vanden goeden gecome(n) en(de) gebleve(n) nae/ de doot ende aflivicheit jans wijlen vanden schelve vaders/ desselfs geldolfs in p(rese)ncia hebben gekint dat jan van/ beert die voirmaels getrout gehadt heeft gehadt jouffr(ouwe)/ / katlijnen wijlen van wynde overgelevert heeft alle de br(ieven)/ gelijc den inve(n)tar(is) hier nae bescr(even) begrijpt ende uuytwijst/ Geloven(de) de selve p(er)sonen den selven janne noch zijne(n) goed(en)/ noch erfg(enamen) dair af ne(m)mermeer aen te spreken te moyen/ noch te vexe(re)n in gheene(n) rechte gheestelijck noch weerlijck/ mair he(n) van des(er) kynnissen ende overleveri(n)gen tegen/ eene(n)yegelijcken te rechte inne te stane oft hij zijn/ goede oft erfg(enamen) om des selver ov(er)leveri(n)ge wille in e(n)nige(n)/ tijden toecomen(de) e(n)nichssins gemolesteert oft vervolcht wordde/ alzoe dat he(m) ende zijne(n) goed(en) nacomeli(n)g(en) tot eeuwigen/ daigen vast ende genoech zal moegen wesen cor(am) cav(er)chon/ vynck junii xvii

Hier nae volcht den inve(n)tar(is) dair h(ier)voe(r)/ mentie af gemaict es van zeke(re)n br(ieven)/ ende instrume(n)te(n) wesen(de) in hande(n) jans/ van [vacat]