Want h(er) symon paige prieste(r) als geleydt nae des(er)/ stadt recht voir zijn wettich gebreck uuyt crachte/ van scepen(en) brieven van loeven(en) tot allen den goeden/ beyde have ende erve henricx wijlen van nuwe(n)hove(n)/ soe wair die gelegen zijn hem met brieve(n) van/ des(er) stadt gescreven aenden meye(r) van campenhout oft/ zijne(n) stadthoude(r) te humelghem alle de selve goede/ behoir(lijc) heeft doen leve(re)n ende den erfgenamen desselfs/ wijlen henricx dach van rechte te comp(ar)e(re)n alh(ier) inde/ banck voir meye(r) en(de) scepen(en) doen besceyden oft zij he(m)/ d(aer) tegen hadden wille(n) oppone(re)n Ald(aer) zij op heden als/ ten verstreken(en) daige niet gecomp(ar)eert en zijn noch p(ro)cur(eur)/ van hue(re)n wegen den voirs(creven) geleydden comp(ar)erende/ ende trecht voirt versueken(de) soe verre dat de/ scepen(en) van loeven(en) t(er) manis(sen) smeyers nae dat hen/ behoirl(ijc) gebleken heeft bij rescripte henricx grouwel/ meyers van humelghem dexploit voirs(creven) gesciet te/ zijne gewesen hebben voir een vo(n)nisse wair de/ wed(er)p(ar)tie des voirs(creven) geleydden niet en comp(ar)eert/ voe(r) den opstaen(en) smeyers ende der scepen(en) datmen/ den selve(n) geleydde(n) van voirs(creven) goed(en) houd(en) soude inde macht/ van sijne(n) beleyde scep(enen) br(ieven) en(de) leveri(n)g(en) alsoe v(er)re alst noch voir/ scep(enen) come(n) es in scampno dece(m)br(is) xii