Vand(er) questien op heden gecomen inde banck voe(r) meye(r)/ en(de) scepen(en) van loeven(en) tussche(n) janne woutier poirte(r)/ van des(er) stadt t(er) eenre ende hilleg(ar)den coesmans zijnen/ / behouden sone t(er) ande(r) zijden welke jan alh(ier) mett(er)/ stadt brieven als poirte(r) hadde doen uuyt scriven alsulke/ rechtvorderi(n)ge(n) als de voirs(creven) hilleg(er)t zijn behouwede zone/ gepijnt hadde om hem te vorderen(e) met rechte inde/ inde banck voir meye(r) ende scepen(en) van arkenen aengaen(de)/ seke(re)n haeffelijcken goeden en(de) gelueften bij hem gedaen/ uuuyt crachte vand(er) huwelijck(er) vorw(er)den van zijnder/ docht(er) inder maten de selve zijn wed(er)p(ar)tie dat ald(aer) hadde/ pijnen te vervolgen sustineerde dat hij hem d(aer)aff alh(ier)/ sculdich soude zijn aen te spreken(e) D(aer) tegen de voirs(creven)/ hilleg(er)t sustineerde de (contra)rie te vorde(r) want de voirs(creven)/ jan woutier en(de) hij he(m) van des(er) questien ald(aer) in seke(re)n/ arbit(er)s gesubmitteert hadde(n) te houden(e) des bijd(en) selve(n)/ uuytgesproken soude wordden met renu(n)ciat(ien) van alle(n)/ porterien en(de) ande(re)n vrijheyden bijd(en) voirs(creven) janne gedaen/ Dat oick acht(er)volgen(de) dien seke(r) uuytspraken ware(n) gebuert/ bijd(en) arbit(er)s bij he(m) genomen gelijc hij dat al dede blijck(en)/ bij brieve(n) en(de) certificatien van arken(en) hopen(de) alsoe in/ dien gere(n)voyeert te wordden(e) t(er) selv(er) plaetsen D(aer)op de/ voirs(creven) jan r(e)plice(re)nde sustineerde al mocht hij als voe(r)/ genu(n)cieert hebben van zijnd(er) vrijh(eit) dat hij nochta(n)/ bewijsen woude de selve uuytsprake voldaen te/ hebben ende dat hij d(aer)toe alsoe geadmitteert soude/ wordden met meer ande(r) dier gelijcke(n) woirden/ ten effecte als voe(r) Ende de voirs(creven) hillegheert/ sustineerde dat hij d(aer)van verdoelt wae(r) en(de) sculd(ich)/ wae(r) nae alle gesciedeniss(en) versonden te werdden/ Es gewesen t(er) manissen des meyers bijd(en) scepen(en)/ dat zij die sake en(de) p(ar)tien remvoyeerd(en) t(er) plaetsen/ van arken(en) voirs(creven) om ald(aer) nae alle gesciedeniss(en)/ rechts te geven en(de) ten nemen soe behoe(re)n soude in sca(m)pno/ dec(embris) xvii