Allen den gene(n) doen condt dat arnoldus van kets/ als p(ro)cur(eur) behoirl(ijc) gemechticht a(n)no lxxxvi xv januarii/ met p(ro)cu(r)ac(ien) ond(er) der stadt segel vand(er) meest(er)ssen va(n)den/ groten beghijnhove te loven(en) ten bijsijne en(de) met (con)se(n)te/ vand(en) mo(m)boe(re)n vand(en) selve(n) beghijnhove inden name/ en(de) van wege(n) der fabriken f(ir)marien en(de) heylige(n)geeste/ desselfs uuyt crachte vand(er) clausele(n) d(aer) inne begrepe(n)/ en(de) der macht den selve(n) arnd(e) d(aer) inne geg(even) van voirts/ te moege(n) substitue(re)n in zijn stadt eene(n) oft meer p(ro)cur(eur) oft/ p(ro)cur(eur)s in behoirl(ijcke) formen Heeft gesubstitueert volcome(n)/ macht p(ro)cu(r)a(ci)[e] en(de) auct(oriteit) geg(even) vrancken van gheele janss(one)/ alle d(er) selv(er) fabrike(n) f(ir)mar(ien) en(de) heiligeest saken q(ue)st(ien) ende/ gescille(n) die zij nu uutstaen(de) moege(n) hebben oft namaels/ hebben sullen moege(n) in aenlegg(er)s oft vorw(er)d(er)s stat/ hoed(eren) die zijn met rechte te verwae(re)n te bedingen te/ wynne(n) te verliesen tallen plaetss(en) voir alle gerichte(n)/ en(de) tegen eene(n)yegelijcken d(aer) des behoeven sal moegen/ ende desgelijcx om alle d(er) selv(er) chijse rinten pachte(n) ende/ ande(r) sculden diemen hen nu sculdich es oft naemaels/ wesen sal te mane(n) teyssche(n) optebue(re)n en(de) tontfange(n)/ den sculde(re)n van hue(re)n ontfange quijt te sceld(en) en(de) quitan(cie)/ te geven(e) d(aer) voe(r) te panden te daegen te beleyden ende/ rasteme(n)te te doen legge(n) compositie en(de) mi(n)lijcke yffeni(n)ge/ d(aer)aff te maken(e) scepen(en) br(ieven) te vo(n)niss(en) en(de) die texeque(re)n/ getuygenisse te leyden der wed(er)p(ar)tien getuygen te sien/ swe(re)n die te batte(re)n te r(e)plice(re)n ende te duplice(re)n/ alsoe wel int pri(n)cipael als int accessoir en(de) alle pointen/ van rechte d(aer)toe te vorde(re)n die nae recht d(aer)toe/ behoe(re)n moege(n) en(de) voirtane (et)c(etera) P(ro)mitt(ens) rat(um) salvo iusto calculo/ cor(am) eisd(em)