Nae dien jan de refay tot diversen stonden heeft doen/ vervolgen bijden raide vander stadt als dat hij ontslagen/ soude moegen wordden ende ongepraemt blive(n) van alsulk(er)/ vervolghe(n) ende actie(n) als dese stadt te hemwerts te seggen/ mocht hebben aengaen(de) zeke(r) costen tande(re)n tijd(en) alhier/ gebuert bijd(er) leveri(n)g(en) bij he(m) geschiet als lieuten(ant) des/ meyers van gemblours vanden p(er)soen jans gilia poirte(r)/ van des(er) stadt die met vo(n)nisse der scepen(en) alhier ter banck/ gewesen werdt ende naemaels ontslagen mits dat/ de selve jan gilia tot egheender kynniss(en) vand(er) feyte(n)/ bijd(en) meye(r) alh(ier) in die(n) op geleet en quam Bege(re)nde de/ selve jan de refay gem(er)ct dat hij zijn debvoir als/ lieuten(ant) hadde gedaen ende dat de voirs(creven) gevangen gel(ia) te/ voe(re)n met vo(n)niss(en) ter banck gewesen hadde geweest/ ende alsoe eensdeels met goeder cause den voirs(creven) poirte(r)/ gelevert hadde gemerct dat hij vand(er) fame(n) en(de) zijnd(er)/ quad(er) reno(m)mee genoech volcome(n) was dair van als/ voe(r) ongehouden te wesen voe(r) den welk(en) m(ijn) hee(re) van/ waelhain ende ande(r) he(re)n aen dese stadt gebeden hadde(n)/ met hue(re)n br(ieven) ende anderssins Gemerct oick dat de stadt/ nae zijn gelegenth(eit) hoe wel zij hadde moege(n) gefundeert/ zijn om de costen bijde(n) voirs(creven) poirte(r) alh(ier) verseten te/ verhalen qualijc conste geraken want hij hem buyten/ lants hielt ende op zijn goet tselve qualijc hadde(n)/ connen verhalen Es overdragen bijde(n) selve(n) raide/ notabelijck vergadert zijnde dat men den selven/ janne de refay dair van ongemoet soude laten/ / ende dien niet wederstaen(de) dlant van brab(ant) alhier en(de)/ elders soude moegen gebruycken ende hante(re)n zijn/ saken soe hij bevi(n)den soude behoe(re)nde zonder uuyt sak(en)/ van desen gepraemt te wordden act(um) in (con)s(ili)[o] opidi/ duffle horst sub(stitu)[t(is)] burg(imagistr)[is] et plu(r)ibus aliis de cons(ilio)/ tam scab(inis) q(uam) consiliariis junii xi