Nae dien jan de fijke(re) den raide vand(er) stat als ond(er) de/ cremers ambachte wesen(de) t(er) p(rese)ntien vand(en) geswoiren(en)/ vand(en) [selven] ambachte te weten(e) hubrechte vand(en) wouwe(re)/ en(de) rogier [vacat] als meest(er)s vand(en) armen te ky(n)ne(n)/ heeft gegeven zijnen staet en(de) gelegenth(eit) bege(re)nde/ uut(er)lijck mits den reden(en) en(de) armoede bijd(en) selven/ ald(aer) verhaelt zijnde dat he(m) gebue(re)n mochte dwoene(n)/ van eenen huyse gelaten om seke(r) arme vand(en) selve(n)/ ambachte inne te woenen nae inhouden de(n) besceide/ d(aer) van wesen(de) gelegen omtrint der clercke(n)capelle geven(de)/ oick deselve jan te kennen dat de selve p(er)sone(n) ind(en)/ name vand(en) ambachte he(m) toegeseet souden hebben/ / dat zij hem in dien gerieff doen souden om aldair/ zijn woeni(n)ge te hebben met meer woerdd(en) bij he(m)/ in dien geallig(er)t deylen(de) he(m) d(aer)aff den eedt en(de)/ nae dien zij he(m) ontschout in dien niet en deden/ seggen(de) dat zij dat mochten geseet hebben soe/ verre den ambachte geliefde d(aer)aff jan zijnen eedt/ t(er) (con)trarie(n) p(rese)nteerde seggen(de) oic de selve geswoiren(en)/ dat zij d(aer) inne niet doen en mocht(en) ten wae(re) bij/ consente vand(en) ambachte oft bij ord(en) vand(en) raide/ vand(er) stadt als ov(er)ste in dien Es uutgesproken/ en(de) get(er)mineert tvoirs(creven) besceet d(aer)mede de voirs(creven)/ huysen den arme(n) ma(n)nen gelaten zijn bevi(n)den/ oic en(de) genoech te bynnen sijn den staet des/ voirs(creven) jans dat de voirs(creven) ambachthoud(er)[s] he(m)/ sculd(ich) sullen zijn ind(en) name als boven de voirs(creven)/ woeni(n)ge te laten volgen t(er) meyni(n)g(en) altijt vand(en)/ fu(n)date(ur) oft zijnen moet in dien c(ri)gen en(de) he(m) alsoe/ versien dat hij reden(en) mach hebben te vreden te/ zijne in cons(ili)[o] opidi junii xx[a]