Vander questie(n) gecome(n) bijd(en) raide vand(er) stadt tussche(n)/ m(ar)griete(n) buyens wed(uwe) claes wijlen baertmakers/ joes(en) pauwels ind(en) name en(de) van wegen katlijne(n)/ baertmakers zijnd(er) werdynne(n) docht(er) d(er) voirs(creven) gehuyssche(n)/ geloven(de) in des(er) de selve wed(uwe) en(de) joes voirs(creven) dand(er)/ kindt d(er) selv(er) wed(uwe) en(de) sijnen mo(m)boir te v(er)vangen(e)/ t(er) eend(er) ende h(er)felix bote p(ri)est(er) vicecureyt der kercke(n)/ van sinte qui(n)tens te loeven(e) t(er) and(er) zijd(en) Ald(aer) de/ voirs(creven) wed(uwe) met hue(re)n kinde(re)n v(er)socht te hebben(e)/ betalinge van alsulk(er) ix rinsg(ulden) erffelijc als zij/ jairl(ijx) heffen(de) wa(r)en opde woeni(n)ge en(de) huys(en) desselfs/ he(re)n felix gelegen in s(in)[te] qui(n)tensstrate bij huer ende/ den selve(n) hue(re)n kinde(re)n den voirs(creven) he(re)n felix tande(re)n/ tijd(en) ten erfchijse uutgeg(even) gevalle(n) en(de) v(er)schene(n) s(in)t/ jans(mis)s[e] lestled(en) en(de) die in swa(r)en en(de) gevalueerden/ gelde nae uutwijsen(e) van seke(re)n t(er)mi(n)ac(ien) bet(aelt) som(er)/ in dien gegeve(n) soe sij sustineerde staen(de) geristeert/ inde middelste came(re) vand(er) daet augusti t(er)cie/ li(br)[o] xcii d(aer) de voirs(creven) h(er)felix huer stoet en(de) wey/ geringe inne dede hopen(de) naed(er) voirhandeli(n)g(en)/[in des(er) gebuert dat sij in mu(n)te(n) nae uutwijsen(e)] d(er) selv(er) t(er)mi(n)ac(ien) bet(aelt) soude werdd(en) alsoe wel/ vand(er) jaerlijcscher betalingen als int afquijten/ ende dat dat de meyni(n)ge en(de) tverstant es geweest/ ten tijde d(er) voirs(creven) t(er)mi(n)ac(ien) als die q(ue)stie gebuerde/ D(aer) tegen de voirs(creven) h(er)felix sustineerde de (contra)rie hopen(de)/ de selve ix r(ins)g(ulden) s(in)[t]jans(mis)s[e] v(er)schenen te betalen(e)/ met lichten gelde en(de) tot alsulk(er) prijse als tselve/ gesedt en(de) geordineert es bijd(en) land(en) a(n)no lxxxviii/ als hij de selve erve v(er)creech naid(en) besceyde d(aer)/ van wesen(de) tot welken prijse hij de pe(n)ni(n)g(en)/ d(er) selv(er) rinte(n) ond(er) wet gestelt hadde hem d(aer)toe/ gedragen(de) hopen(de) d(aer) mede te gestaen(e) oft dat hij/ alnoch sijnen cuese soude moegen doen nae/ / uutwijsen(e) der voirs(creven) t(er)mi(n)ac(ien) dien hij v(er)cleerde te/ weten(e) vand(en) erve te sceyden(e) opde vuegen en(de) manie(re)n/ inde selve t(er)mi(n)ac(ien) begrepe(n) opdat hij metten gesetten/ pe(n)ni(n)g(en) d(er) gevallend(er) rinten voirs(creven) en(de) oic in toecomen(de)/ tijd(en) in gelijck(er) valo(r)e niet gestaen en mochte D(aer) tegen/ de voirs(creven) sijn wed(er)p(ar)tie r(e)plice(re)nde hoopte dat hij te spade/ qua(m) alsnu sijne(n) cuese te doen(e) gem(er)ct dat hij zed(er)t der/ selv(er) t(er)mi(n)ac(ien) de betalinge der rinten voirs(creven) in swa(r)en/ gelde ende nae uuytwijsen(e) der selv(er) t(er)mi(n)ac(ien) gedaen/ hadde ende genoech geseecht als hij de betalinge dede/ en(de) zij hem vraechden oft hij zijne(n) cuese nae uuytwijsen(e)/ der selv(er) t(er)mi(n)ac(ien) doen woude Wat willic meer kiesen/ ic doen nu mijne(n) cuese genoech oft dier gelijck(er) word(en)/ Bliven(de) de voirs(creven) wed(uwe) met joes(en) voirs(creven) bij huer/ conclusie en(de) de voirs(creven) h(er)felix de (contra)rie sustine(re)nde heeft/ geseecht in dien duplice(re)nde al mocht hij betalt/ hebbe(n) dat hij d(aer)o(m)me sijne(n) cuese niet gedaen en hadde/ noch noyt gesproken de woird(en) bij sijnd(er) wed(er)p(ar)tien/ geallig(eer)t noch in dien d(aer)toe versocht geweest met rechte/ van zijnd(er) wed(er)p(ar)tien en(de) datmen oic niet bevi(n)den en/ soude uuyt(er) selver t(er)mi(n)ac(ien) dat die e(n)nige me(n)tie maicte/ vand(en) jairlijcscher betalingen dan int afquijten noch/ egheene(n) tijt en begrijpt Bynne(n) den welk(en) hij hadde/ moten kyesen bliven(de) oic alsoe bij sijne conclusie te/ weten(e) dat hij gestae(n) soude metten gesetten pe(n)ni(n)gen/ naed(en) ordina(n)c(ien) bijd(en) lande in dien gemaict vanden/ rinten zedert den ja(r)e lxxxvii vercregen oft zijnen/ cuese als voe(r) te moegen doen En(de) nae dien p(ar)tien/ in w(er)sijde bijden [selve(n)] raide vand(er) stadt h(ier)op gehoirt zij(n)de/ geset sijn en(de) in dien geordineert met malcande(re)n te/ ov(er)lijcken(e) en(de) bij een te gane en(de) middeleers te nemen(e)/ d(aer) thoe zij he(m) oic gegeven hebben tot seke(re)n daig(en)/ voirled(en) de welke de selve materie genoech bij/ / overgeven(e) van p(ar)tien bijnaens beslicht hadd(en) die/ d(aer)aff hen rappoirt deden ende deselve p(ar)tien vand(en)/ differe(n)te in dien anoch t(r)este(re)n mochte hen in w(er)sijd(en)/ als op heden ov(er)gegeve(n) hebben om bijd(en) selve(n) wethoude(re)n/ bij mi(n)lijck(en) uuytspraken in des(en) beslicht te werdden(e)/ sonder riguer van rechte geloven(de) als voe(r) de selve/ wed(uwe) ende joes pauwels dande(r) hue(r) medeconsorte(n)/ dient als erflude aenghinc in des(en) te verva(n)gen(e)/ ende de voirs(creven) h(er)felix renu(n)cie(re)nde (et)c(etera) d(aer)af tonderhouden(e)/ wes de wethoude(re)n desen aengaen(de) mi(n)lijc soud(en) moege(n)/ appointe(re)n nemen(de) sijnen cuese nae uuytwijsen(e) der/ t(er)mi(n)ac(ien) voirs(creven) opde betalinge vand(en) rinte(n) in alsulk(er)/ manie(re)n als de selve wethoude(re)n die ordine(re)n soud(en)/ voirtane bet(aelt) te werdden(e) Es den selve(n) uuytgesprok(en)/ en(de) get(er)mineert bij mi(n)lijcken appointeme(n)te nae dov(er)geve(n)/ van p(ar)tien in wersijd(en) als voe(r) bijd(en) voirs(creven) wet/ houde(re)n int lange gelet zijnde dat h(er)felix voirs(creven)/ uuyt saken van sijnen erve tande(re)n tijd(en) ten erff/ chijse genome(n) tegen de wed(uwe) en(de) erfgename(n)/ baertmakers voe(r) de ix guld(en) erffelijc die zij noch/ d(aer)op gehouden hebben gestaen sal te betalen(de) jairl(ijx)/ en(de) erff(elijc) acht rinsgulden(en) half te kersmesse en(de)/ half s(in)[t] jansmisse telken t(er)mijne met loopen(de) mu(n)ten/ d(aer)aff den iersten t(er)mijn inne gaen sal te kersmesse/ naistcomen(de) op die vuege dat de selve wed(uwe) oft/ huer kinde(re) en(de) nacomeli(n)ge(n) voe(r) de selve rinte/ egheen scade oft rechvorderi(n)ge doen en sullen/ moegen ten wa(r)e ten lancsten vi weken nae/ elken t(er)mijn ende int aflegge(n) d(er) selv(er) acht r(ins)guld(en)/ sal h(er)felix oft zijn nacomeli(n)g(en) die moten doen/ met gevalueerd(en) pe(n)ni(n)g(en) navolgen(de) d(er) t(er)mi(n)ac(ien)/ in dien gegeve(n) vand(er) daet voirs(creven) staende/ inde middelste came(re) Ende aengaende den lesten/ / gevallen(en) rinten van s(in)[t] jansmesse lestled(en) d(aer) oic/ questie aff es sal h(er)felix d(aer)aff betalen(e) en(de) in/ dien volmak(en) acht gulden(en) nut(er)tijt cours hebben(de)/ bynne(n) eend(er) maent naistcomen(de) Act(um) in (con)silio/ op(idi) cor(am) oliviers horst substi(tu)[t(is)] burg(imagis)[tr(is)] grave(n) uut(er)/ hellicht tybe arenberge et plu(r)ib(us) aliis de (con)silio/ septembr(is) xxv