Nae dien op heden gecomp(ar)eert es inde banck voir meye(r)/ en(de) scepen(en) jan de keyse(re) gevangen(e) geven(de) te kynne(n) hoe/ dat hij alh(ier) beclaeght was bij eene(n) geheeten jacoppe/ van hoelair bynne(n) des(er) stadt woenen(de) en(de) dat voe(r)/ een so(m)me van vijftich croenen eens ald(aer) de selve jan/ de keyse(re) als gevangen(e) hem te rechte gep(rese)nteert heeft/ dair sijn wederp(ar)tie niet en comp(ar)eerde bij huer selven/ noch p(ro)cur(eur) hopen(de) alsoe de selve jan Wair sijn wed(er)/ p(ar)tie niet en quame en(de) he(m) met rechte aensprake/ dat hij hem in dien sijne(n) voirnemen(en) verweert soud(e)/ hebben tegen den selven jacoppe en(de) tot dien costeloes/ en(de) scadeloes ontslagen werdd(en) D(aer)op de meye(r) de scepen(en)/ maende ende gemaent sijnde hebben gewesen voir/ een vo(n)nisse wair de wed(er)p(ar)tie niet en quame ten/ opstaen(e) vand(en) meye(r) en(de) scepen(en) dat jan voirs(creven) he(m)/ vand(er) clachte(n) voirs(creven) tegen sijn wed(er)p(ar)tie verweert/ sal hebben in scampno octobr(is) xxix