Eene deylinghe ende sceydinge gesciet ende gemaict/ zijnde tusschen janne de weent sone wijlen pet(er)s/ / die hij hadde van digne(n) wijlen vand(er) hagen zijnd(er)/ huysvr(ouwe) t(er) eenre ende willem(me) vand(er) hoeven ende/ lijsbetthen de weent zijnd(er) huysvr(ouwe) zust(er) des voirs(creven)/ jans op ende van den goeden hen gebleven en(de) v(er)storve(n)/ bij ende nae de doot ende aflivich(eit) des voirs(creven) wijlen/ pet(e)rs de weent ende dignen zijnd(er) huysvr(ouwe) vader en(de)/ moeder als zij leefd(en) des voirs(creven) jans de weent ende/ lijsbetten zijnd(er) zuster Te deylen/ Soe zijn bleven ende gevallen den voirs(creven) janne de weent/ in zijn deylinge de goede h(ier)nae bescreven Ierst huys/ ende hoff met allen den toebehoirten alsoe die gelege(n)/ zijn inde p(ro)chie van rymena(m) Item noch een stuck/ eeussels geheeten den steenacker houden(de) omtr(int) (½) boend(er)/ luttel myn oft meer gelegen inde voirs(creven) p(ro)chie van/ rymenam Item noch een stuck eeussels geheeten thofla(n)t/ eeussel gelegen inde selve p(ro)chie Item een dach(mael) lants/ gelegen opt thoochofla(n)tvelt Item een dach(mael) beempts/ gelegen ten opstalle Item een stuck lants houden(de) o(m)tr(int)/ een boend(er) gelegen te harnee(r) It(em) een eeussel geheeten/ de biesdonck houden(de) omtrint i(½) boend(er) oft d(aer)omtrint/ Item tstuck soe eeussels soe lants houden(de) tsamen o(m)trint/ twee boende(re)n oft d(aer)omtr(int) alsoe dat gelegen es te/ strielens It(em) noch een stuck lants houden(de) omtr(int) drie/ dach(mael) alsoe dat gelegen es aende steenvoirt Item/ een stuck soe boschs soe lants soe beempts houden(de)/ tsamen omtr(int) vijff boende(re)n alsoe die neven een/ gelegen zijn t(er) plaetsen geheeten de leep(er)scijte It(em) noch/ een dach(mael) boschs oft d(aer)omtrint geheeten dwinckelken/ gelegen d(aer) bij Item een eeusselken houden(de) omtrint/ een dach(mael) alsoe dat gelegen es inde broecstrate It(em)/ de hellicht van eenen halven boende(r) beempts alsoe/ dat gelegen es int kiecxsam d(aer)aff zeg(er) de weent/ houden(de) es dande(r) hellicht It(em) noch een half boend(er)/ beempts d(aer)aen gelegen geheeten vag(er)donck It(em) de/ hellicht van eenen beemde geheeten den loenkensham/ houden(de) int geheele een boender oft d(aer)omtrint d(aer)aff/ / dander hellicht toebehoirt b(er)telmeeuse(n) van waes/ Item de hellicht van (½) boende(r) beempts geleghen/ aende rymana(m)heye int kiecxsam d(aer)aff dander/ hellicht toebehoirt (christ)offelen gielevoirts alsoe/ dese voirs(creven) goede gelegen zijn inde prochie van/ rymena(m) ten plaetsen voirs(creven) luttel myn oft meer/ inder maten houden(de) It(em) i(½) dach(mael) beempts gelegen/ inde p(ro)chie van boeye(n)heyen int capellenbroeck It(em)/ een dach(mael) beempts oft d(aer)omtr(int) alsoe dat gelegen es/ inde p(ro)chie van keerberghen t(er) plaetsen geheeten/ int kiecxsam Sub iu(r)e prius inde de(bi)[to] t(er)minis/ debit(is) p(er)solven(do) hanc quoq(ue) et sat(isfacere) prout cor(am)/ abs(oloens) zande decembr(is) x[a]