Want jan van meldert als geleydt nae des(er) stadt/ recht voir zijn wettich gebreck uuyt crachte van/ scepen(en) brieve(n) van loeven(en) tot allen den goeden beyde/ have ende erve willems wijle(n) vander beken soe/ wair die gelege(n) zijn hem met brieve(n) van des(er) stadt/ gescreve(n) aend(en) meye(r) vand(er) gheeten oft zijnen stadt/ houde(r) alle de selve goede behoirl(ijc) heeft doen leve(re)n/ ende d(er) wed(uwe) desselfs wijlen willems dach van/ rechte oft zij huer d(aer) tegen hadde willen oppone(re)n/ doen besceyden Ald(aer) zij op heden als ten verstreken(en)/ daige niet gecomp(ar)eert en es noch procur(eur) van/ hue(r) wegen den voirs(creven) geleydd(en) comp(ar)e(re)nde ende/ trecht voirt versueken(de) soe verre dat de scepen(en)/ van loeven(en) t(er) maniss(en) smeyers nae dat hen bij/ resc(ri)pte godenoels van houthe(m) meyers vand(er) gheete(n)/ behoirl(ijc) gebleken heeft tvoirs(creven) exploit gesciet te/ zijne gewesen hebben voir een vo(n)nisse Wair de/ wed(er)p(ar)tie des voirs(creven) geleydde(n) niet en comp(ar)eert voe(r)/ den opstaen(en) smeyers ende der scepen(en) datme(n) den/ selve(n) geleydden vand(en) voirs(creven) goeden houden soude/ inde macht van zijne(n) beleyde scepen(en) br(ieven) ende/ leveri(n)gen alsoe verre alst noch voir scepen(en) comen es/ in scampno januarii xxviii