Nae dien comen zijn inde banck voir meye(r) en(de) scepen(en) van loeven(en)/ laureys vander horst poirte(r) ter eende(r) ende claes ruts ter ande(r)/ zijden welke laureys als poirte(r) van des(er) stadt uuytgescreven/ hadde alsulcken rechtvorderi(n)g(en) ende aentich(ten) als claes ruts te/ he(m)werts gedaen mocht hebben voir scouth(eit) ende scepen(en) van turnhout/ versueken(de) alsoe nae dien de voirs(creven) claes ruts zijn aensprake/ alh(ier) ververscht heeft ende zijnen eysch in die(n) he(m) die aengewese(n)/ wordden te weten(e) drie zist(er) rocx vanden jae(re)n xci xcii en(de) xciii/ / lestleden verschenen op zeke(r) erven gelegen te vossele(r) ende/ voir elck veertele der voirscr(even) drie ziste(re)n rocx thien stuv(er)s/ inder maten de selve laur(eys) hem dat gelooft ende toegeseet/ hadde p(rese)nte(re)nde dair af thoen Dair op de voirs(creven) poirte(r)/ dach van antwerd(en) genomen heeft alsnu voir leden versueken(de)/ alzoe op heden de voirs(creven) claes ruts soe verre laur(eys) vand(er) horst/ niet en quame noch procure(ur) van zijne(n)t wegen dat alsdan/ zijn conclusie ende eysch hem volgen soude(n) Aldair de selve/ laur(eys) noch procure(ur) van zijnen wegen niet comen en es es/ gewesen ter manissen smeyers bijden scepen(en) soe verre de/ voirs(creven) laureys niet en comp(ar)eerde ten opstaen(e) smeyers en(de)/ scepen(en) ende zijn verantwerde niet en dede dat den voirs(creven)/ clase ruts zijn eysch voirs(creven) sculdich sal zijn te volgen/ in scampno om(n)ibus scab(inis) p(rese)ntibus dempt(is) kersmake(re)/ vynck zande ap(ri)lis xix