Want henry del sart die nae des(er) stadt recht/ voir sijn wettich gebreck uuyt crachte van scep(enen) br(ieven)/ van loven(en) comen ende geleydt es tot allen den goeden/ beyde have en(de) erve mychiels del sart sijns vad(er)s/ zoe wair die gelegen zijn hem met brieve(n) van/ des(er) stadt gescreve(n) aend(en) meye(r) van bouler oft zijne(n)/ stadthoude(r) alle deselve goede behoirlijc heeft doen/ leve(re)n ende den selve(n) machiele jouffr(ouwe) katlijne(n)/ wed(uwe) smale wijle(n) van bouler die e(n)nige vruchte(n)/ desselfs machiels opt velt staen(de) hadde doen raste(re)n/ en(de) die zij mits de(n) selve(n) rasteme(n)te alsoe mey(n)de uuyt/ te wynne(n) en(de) te huerw(er)ts te trecken(e) sond(er) die/ te laten comen som in voldoeni(n)g(en) der wettig(er) voirs(creven)/ dach van rechte alh(ier) te co(m)p(ar)e(re)n inde banck voir/ meye(r) en(de) scepen(en) van loven(en) oft zij hen d(aer)tegen/ hadden willen oppone(re)n doen besceyden Ald(aer) zij op/ heden als ten verstreken(en) daige niet geco(m)p(ar)eert en zij(n)/ noch niema(n)t van hue(re)n wegen ende de voirs(creven) geleydde/ trecht voirt versocht heeft soe v(er)re dat de scepen(en)/ van loeven(en) t(er) manissen smeyers nae dat hen bij/ rappoirte boudewijns bellens des(er) stadt bode tvoirs(creven)/ exploit behoirlijc geschiet te zijne vo(n)nisslijck/ gewijst hebben Wair de wed(er)p(ar)tie des voirs(creven)/ geleydden niet en comp(ar)eert voe(r) den opstaen(en) smeyers/ en(de) der scepen(en) datmen den selve(n) geleydden houden/ soude vand(en) voirs(creven) goeden inde macht van zijnen/ beleyde scepen(en) br(ieven) ende leveri(n)gen alsoe verre alst/ noch voir scepen(en) comen es in scampno aug(usti) xiii