Vander questie(n) gecomen bijden raide vand(er) stadt/ tusschen m(ar)griete(n) w(er)dynne peeters vand(en) zande/ scoe(n)makers ende berbele(n) desselfs pet(er)s zust(er) t(er) eenre/ en(de) lijsbetthe(n) [w(er)di(n)ne(n)] henricx de hollande(re) t(er) ande(r) zijden ald(aer)/ de voirs(creven) m(ar)griete der voirs(creven) lijsbetthe(n) shollanders/ eyschte xiii(½) rinsgulden(en) als voir thouden van eenen/ jongen kinde den selve(n) henr(icke) toebehoiren(de) die alsnu/ mits armoeden int gasthuys gegaen was en(de) dat/ van ond(er)halve(n) jae(r) dat hij tselve kint gehouden hadde/ seggen(de) dat de voirs(creven) lijsbeth vand(en) voirs(creven) henr(icke)/ hadde ende te huerw(er)ts getogen vele diverse haeffelijcke/ goede als cleede(re) eene(n) v(er)gulden(en) riem ende ande(r) der/ moed(er) desselfs kints die was te tweeste en(de) voirgaen(de)/ huysvr(ouw) desselfs henricx toebehoiren(de) als dat zij/ mits dien gheen sake van weyge(re)n en hadde den/ montcost vand(en) selve(n) kinde te betalen te voirde(r) oic/ want zij zijn huysvr(ouw) was ende onv(er)scheyden/ / van tafelen ende bedde ende de voirs(creven) berbele vanden/ zande eyschte oic der selv(er) lijsbetthen gelost te zijne/ van alsulker schout d(aer) zij voe(r) gesproken hadde eer de/ voirs(creven) henr(ic) uuyte(n) ba(n)ne gedaen mocht zijn dair hij/ alsnu inne vonden wordt en(de) uuyten gasthuyse soude/ moten bliven ombesorcht van yema(n)d(e) die een ziek cranck/ menssche es den welken de voirs(creven) zijn huysvr(ouw) gheen/ gaeye en sloege noch en dede in dien niet als een goede/ vrouwe sculdich was van doene Welke scult zij niet en/ wiste te noemen mair hadde verleecht drie blancken/ vanden coste ende de principale schult soude men/ bevi(n)den onder de greffie want het al met haesten ged(aen)/ was ende de voirs(creven) henrick opdat hij uuyte(n) ba(n)ne/ niet gedaen en hadde geweest opd(e) strate(n) hadde moge(n)/ sterven want die vanden gasthuyse gelijc voe(r) hem/ gheenssins aenveerd(en) en wouden D(aer) tegen de voirs(creven)/ lijsbeth shollanders luttel oft niet en zeydt dan dat zij/ d(aer)mede qualic toecomen soude en(de) dat zij luttel oft niet/ vanden selve(n) henr(icke) behouden [en] hadde dan e(n)nige haeffelijcke/ goede cleede(re) ende ande(r) ende van hem gesceyden was/ hoe wel dat dat nae recht niet gesciet en was/ meynen(de) alsoe dat zij d(aer)aff ongehouden soude zijn/ Es geseecht en(de) geappointeert bijd(er) wet dat de voirs(creven)/ werdynne des voirs(creven) henr(ix) de hollande(re) gehouden sal/ zijn de scult vand(en) monteri(n)gen des voirs(creven) kints te cuelen/ en(de) oic tontlasten(e) de voirs(creven) berbele vand(er) schult dair/ zij voe(r) gesproken hadde metten costen bij huer in dien/ verleet te voirde(r) want alsoe zij lijsbeth genoech/ bekinde zeke(r) goede den voirs(creven) kinde toebehoiren(de) te/ huerw(er)ts genome(n) hadde ende alnoch o(n)v(er)scheyden was/ vanden selve(n) henr(icke) act(um) in (con)s(ili)[o] opidi aug(usti) xvi