Cont zij allen lieden dat jan oliviers substituyt/ vand(en) borg(er)meest(er) van loeven(en) daniel boxhoe(re)n/ raes van grave(n) jan van hoevelde ende lodewijc/ lesens raide [s(er)vaes opd(en) berch jan meys jan van borch(oven) en(de) pet(er) rogge rintm(eester)s] d(er) selv(er) stadt hebben gekint mits/ des(er) dat anth(onijs) bourgijs geheete(n) capetain peet(er)/ een vand(en) capyteyne(n) vand(er) garden t(er) beg(er)ten ende/ ee(re)n vand(er) stadt van loeven(en) voirs(creven) en(de) specialijck/ vand(en) voirs(creven) p(er)sone(n) betaelt heeft adriane mo(m)bode/ oic capytain vand(er) gard(en) de so(m)me van negentich/ pond(en) artoes xl groote vlaems tpont en(de) die/ de selve anthoenijs besorcht ende doen leve(re)n heeft/ der stadt voirs(creven) behoir(lijc) acquijt vand(en) rintm(eeste)r van/ brabant die adriaen(e) voirg(enoemt) metten selve(n) acquijte/ opd(er) stadt bewesen hadde Soe hebbe(n) geloeft/ de selve p(er)soene(n) als goede ma(n)nen van eere(n) den/ voirg(enoemde) anth(onijs) bourgijs oft bring(er) van des(er) bynne(n)/ twee maend(en) nae datu(m) van des(er) die voirs(creven)/ negentich pond(en) artoes te betalen en(de) oft dair/ in bij hen e(n)nich gebreck [vacat] mett(er) principaeld(er)/ voirs(creven) so(m)me alle costen scaden die h(ier) o(m)me bij/ anth(onijs) voirg(enoemt) oft yema(n)t in zijne(n) name doen/ en(de) hebbe(n) mochte in goed(en) trouwe(n) te betale(n)/ den leste(n) pe(n)ni(n)ck mette(n) yersten verbinden(de) hier/ voe(r) ts(a)men en(de) elc besund(er)t hue(r) p(er)soen(en) ende/ alle(n) hue(r) goede beyde have en(de) erve oft(er) ande(r)/ hoemen die noemen mach sond(er) e(n)nige obliga(ti)[e]/ oft exceptie t(er) (contra)rien die hen behulpelijc en(de) anth(onijs)/ voirs(creven) oft bring(er) van des(er) hind(er)lijc wesen mocht/ Ende es conditie dat oft den cours vand(en) gelde
//
veranderde op oft neer oft soe nu gaet d(aer) inne/ sal anthoenijs oft bring(er) van desen in sijne(n) name/ die optie ende coepe hebben sond(er) verlies van anth(onijs)/ voirs(creven) cor(am) vynck zande nove(m)br(is) xxv