Item jan de vos de jonge die om te salve(re)n die goede van blecke(n)/ die jan de vos zij(n) vader gecregen hadde tegen ja(n)ne van ghele vanden/ prami(n)g(en) uuytwy(n)ni(n)ghe(n) ende vercoope mette(n) beleyde dat d(aer)op/ sloech uuyt saken van xiiii r(ins)gul(den) lijfpen(sien) die jouffr(ouwe) katlijn/ bacx ende anthonijs van ghele hadde(n) op deselve en(de) meer ande(r)
//
goeden gescut heeft duytwy(n)ni(n)ghe die begonst wae(re)n te/ doene vanden hee(r) vanden gronde onder den hof van s(in)te/ lambrechts voe(r) hue(r) hee(re)n chijse op de goede des voirs(creven) anth(onijs)/ van ghele onder dbewint van halen gelegen ende welk/ jan de vos alzoe totten selven goeden comen es met rechte/ en(de) vo(n)nis(sen) ende den voirs(creven) anth(onijs) van ghele die die toebehoirde(n)/ ende oick janne van ghele die dair rinte op hadde in gereede(n)/ pe(n)ni(n)gen niet van rechte mair ter ontlastinghe van zijnder/ consien(cie) gegeven heeft voe(r) hen int(er)est vanden selven goeden/ de so(m)me van ii[c] vijftich r(ins) gul(den) gelijck de selve anthonijs/ ende jan van ghele hier p(rese)nt zijnde opembaerlijck bekynt/ hebben In p(rese)ncia heeft den selven anthonijse van ghele/ in alle de selve goeden voirs(creven) zijn quijti(n)g(en) geconsenteert en(de)/ consenteert mits desen te moegen doen bynnen drie jae(re)n naistcomen(de)/ ende d(aer)nae met hem d(aer)embynne(n) dair voe(r) te restitue(re)n in/ gereede(n) pe(n)ni(n)gen de voirs(creven) so(m)me van ii[c] vijftich r(ins) g(ulden) ten/ prijse ende valuatien van xxv st(uvers) voe(r) den gouden bourg(ondischen)/ gul(den) ende van ande(r) gelde en(de) payme(n)te nae advena(n)t vanden/ selve(n) goud(en) bourg(ondischen) gul(den) te(n) xxv st(uvers) gerekent Ende oft/ dese lossinghe h(ier)embynne(n) aldus gebuert soe sal de voirs(creven)/ jan de vos de jonge den voirs(creven) anth(onijse) voe(r) den erfdo(m)me vand(en)/ gronde ende jan van ghele voe(r) zijn rinte die hij d(aer) op hadde/ de voirs(creven) goede wed(er)om overgoeden sonder zijne(n) cost ende/ anders niet cor(am) beert caverson junii xxv