Nae dien op heden geco(m)p(ar)eert zijn bijd(en) raide vand(er)/ stadt peet(er) beyart scrij(n)make(r) als p(ro)cur(eur) g(er)trud(en) beyarts zijnd(er)/ zust(er) beghijne ind(en) groote(n) beghijnhove te loeven(en) t(er) eend(er)/ ende huge van udekem t(er) and(er) zijd(en) ald(aer) de voirs(creven) p(ro)cur(eur)/ beg(er)de en(de) v(er)socht inden name als bove(n) betaelt te hebben(e)/ van drie rinsgulden(en) lijfpen(sien) ten live d(er) voirs(creven) g(er)trud(en)/ alleene staen(de) ende oic vestich(eit) van ande(re)n goed(en) borgen/ oft pant nader stadt recht te voirde(r) want zijn/ vesticheit zee(r) gecrinct was mits aflivich(eit) der borge(n) inde/ brieve(n) begrepen(en) Dair tegen huyge exhibeerde een zeke(r)/ cedulle van div(er)sen huyse(n) schue(re)n en(de) ande(r) hue(re)n toebehoirten/ gelegen inde hoolstate weert zijnde alsoe hij die estimeerde/ / boven den co(m)mer tusschen de vii ende viii rinsgulden(en)/ oft d(aer)omtr(ent) hopen(de) d(aer)mede te gestaen(e) om de voirs(creven)/ rinte d(aer)op te bevestigen(e) p(rese)nte(re)nde noch d(aer)toe jacoppe/ wittema(n)s als borge int wairscap ende voldoen der selv(er)/ rinte(n) te stellen(e) tot meerd(er) sekerh(eit) D(aer)tegen de voirs(creven)/ peet(er) seydt dat de panden meer belast wae(re)n dan/ huge te kynne(n) gaff met beleyde ende and(er)ss(ins) ende/ oic soe goet niet en wae(re)n als hij die estimeerde hopen(de)/ alsoe dat hij d(aer)mede niet sculdich en wae(r) te vreden/ te zijne ten wae(re) dat hij hem eene(n) ande(re)n vasten borge/ den rechte ende hem genoech zijnde stelde totten erfpand(en)/ voirs(creven) oft twee ande(r) goede borgen als voe(r) den rechte/ en(de) hem genoech zijnde erfpant te stellen(e) die hen v(er)oblige(re)n/ souden de rinte te bet(alen) ten live der voirs(creven) g(er)truyt ende/ dat hem dat sculdich soude sijn te gescieden(e) Es geap/ pointeert ende uuytgesproken beyde den voirs(creven) p(ar)tien/ h(ier)op int lange gelet zijnde dat de voirs(creven) huge/ totten voirs(creven) erfgoeden bij hen geexhibeert sculdich/ soude zijn eenen ande(re)n vasten ende goeden borge/ den rechte genoech zijnde der voirs(creven) zijnd(er) wed(er)p(ar)tien/ te stellen(e) ende dat hij in dien met jacoppe(n) voirs(creven)/ niet gestaen en soude om de voirs(creven) rinte alsoe/ behoirlijc te bevestighen(e) oft dat hij afslaen(de) de/ voirs(creven) vestich(eit) om de pontd(enieren) te scouwen(e) en(de) ande(r)/ lasten stellen soude t(er) vestich(eit) der selver rinten twee/ goede borgen den rechte ende p(ar)tien genoech zijnde/ die hen inde selve rinte v(er)oblige(re)n soud(en) den duerdach/ als voe(r) der voirs(creven) g(er)truyt ende d(aer)aff cuese hebben/ om deen van beyden behoirl(ijc) te doene zijnd(er) p(ar)tien/ genoech zijnde bynnen eene(n) seke(re)n cortten tijde/ Dair toe de selve huyge dach genomen om hem/ in dien te besorghen(e) ende deen oft dande(r) te doen(e)/ tot nae de daige vand(en) hooghetijde van kersmesse/ nu naistcomen(de) in consilio opidi decembr(is)/ xviii