Va(n)der questien gecome(n) bij den raide vand(er) stadt tusschen/ he(n)ricke bouwens becke(r) t(er) eenre en(de) jacoppe brunets/ / wonen(de) te beveke(m) t(er) ande(re) den welken de voirs(creven) henr(icke) hadde/ doen co(m)me(re)n ende raste(re)n bijd(en) meye(r) van hev(er)le ond(er) zijnen/ bewinde op eene(n) zeke(re)n maendach voirleden voir thien/ rinsgulden(en) eens die he(m) tvoirs(creven) dorp van beveke(m) sculdich/ ende tachter mocht wesen Dair van de voirs(creven) jacop/ hoopte dat hij der hachten ontslage(n) soude werdden/ costeloes ende scadeloes te voirde(r) want soe hij seyde hij/ alh(ier) t(er) merct come(n) was ten selve(n) tijde ende de vrijh(eit)/ bijd(en) hee(re) ende der stadt alh(ier) uutgheroepen van elker/ male te moghe(n) come(n) vrij ende vrancke hoopen(de) alsoe/ dat hij ond(er)weghe(n) bij henr(icke) als ingeseten(en) van des(er)/ stadt mits den reden(en) voirs(creven) niet belast noch geco(m)mert/ en soude werdden Dair op de voirs(creven) henr(ic) sustineerde/ de contrarie want niet bevonden en soude werdde(n) dat/ hij alsdoe(n) e(n)nich goet alh(ier) te coepe brachte ende al/ hadde dat geweest soe hoopte ende sustineerde de/ selve henr(ic) dat den selve(n) uutroep alh(ier) gebuert bijd(en)/ hee(re) ende der stadt he(m) niet voirde(r) bestrecken en mochte/ dan inde vrijheyt van des(er) stadt ende met onder ande(re)/ h(er)lijch(eit) mijne(n) gened(ichen) hee(re) oft zijne(n) vasallen toebehoiren(de)/ hem des gedragen(de) totten rechte D(aer)op de voirs(creven) jacop/ dupliceerde sustineerde de contrarie es geappointeert/ dat de voirs(creven) jacop met zijnen voirnemen(en) verdoelt es/ ende dat hij sculdich sal zijn vand(er) hachten en(de) co(m)me/ ringhen onder hev(er)le gebuert te rechte te staen(e) om/ he(m) te rechte tontslaene in consilio opidi maii xxviii