Item rombout kem(er)linx sone reyners woenen(de)/ te b(er)the(m) in p(rese)ntia heeft genomen en(de) bekent genome(n)/ te hebben(e) tegen he(re)n anthonijse courouble prieste(r) capellae(n)/ d(er) kercken van sinte pet(er)s te lov(en) als p(ro)cur(eur) des p(re)laets/ en(de) goidshuys van corbye thoff desselfs godsh(uys) met/ alle(n) den wynen(de) land(en) d(aer) toe behoeren(de) Te houden/ te hebben te wy(n)nen ende te werve(n) van halfm(er)te/ lestleden eenen t(er)mijn van negen jae(re)n lanck due(re)nde/ deen nae dand(er) sond(er) middel vervolgen(de) elc jaer d(aer)enbyne(n)/ om ende voe(r) de hellicht van allen den vruchten/ jairlijcx d(aer)op wassen(de) den t(er)mijn due(re)nde quoli(bet) ass(ecu)t[um]/ Item es vorweerde dat de voirs(creven) wy(n)ne de helicht/ vande vruchte(n) des voirs(creven) godsh(uys) jairl(ijx) aff en(de) inne
//
doen sal tzijnen laste en(de) die vue(re)n in des godsh(uys)/ schue(r) ald(aer) ende soe wa(n)neer tcoren gepict sal zijn/ soe sal van sgodsh(uys) wege(n) d(aer) gesonden wordden/ een man om tselve coren vanden godshuyse te/ hulpen binden laden ende int schue(r) te tassen en(de)/ des sal de wynne(n) dien man schuldich zijn den/ montcost te geven dien tijt due(re)nde It(em) es oick/ vorweerde dat de wynne d(er) selv(er) schue(re)n oic sal/ moegen gebruycken om zijn coren d(aer) inne te tassen/ It(em) dat de voirs(creven) wynne de voirs(creven) lande wel/ en(de) loff(elijck) wynne(n) werve(n) ende mesten sal gelijck/ regenoete(n) boven en(de) beneden Ende soe wa(n)neer des/ godsh(uys) hellicht vand(en) vruchten gedersschen zal zijn/ soe sal de wynne sculdich zijn die vruchte(n) te lov(en)/ te leve(re)n ende alse de selve vruchten alsoe bijd(en)/ wynne(n) gelev(er)t wordden soe sal de wynne aengaen(de)/ den montcoste van hem en(de) zijne(n) p(er)den gesciede(n)/ gelijc ande(r) boven en(de) bened(en) in gelijcke wy(n)ni(n)gen/ desen montcoste ind(er) leveri(n)gen doende zijn ende/ want de voirs(creven) wynne houden(de) es vand(en) voirs(creven)/ he(re)n anth(onijs) seke(r) scapen soe es vorwerde en(de) heeft/ geloeft de voirs(creven) wynne dat hij de selve scapen/ niet v(er)thie(re)n noch v(er)coepen en sal ten zij bij weten(e)/ en(de) (con)sente des voers(creven) he(re)n anthonijs ende dat de/ selve hee(r) anth(onijs) sal altijt de naeste zijn oft den/ coep gebuerde voir yema(n)t and(er)s voe(r) den selve(n) prijs/ als ande(r) oik die coepe(n) soud(en) Heeft voirt geloeft/ want hij den voirs(creven) he(re)n anth(onijs) voir die scult ende/ voer de ghene die hij hen van nu voirtane/ and(er)ss(ins) sculdich mocht wesen jairlijcx sal laten volge(n)/ tvervuede(n) vand(en) voirs(creven) scapen(en) geheel(ijck) in afslage/ vande(n) selve(n) sculden Mair aengaen(de) [des wy(n)nen] tgedeelte va(n)d(er)/ wollen jaerlijcx vanden scapen comen(de) ende oick/ vanden mestscapen dieme(n) jairl(ijx) uuytsette(n) sal d(aer) aff/ sal de wynne moege(n) zijn p(ro)fijt doen ende alle/ alle dese vorweerd(en) (et)c(etera) cor(am) eisd(em)