Vanden gedinge dat geweest heeft inde banck voe(r) meye(r)/ ende scepen(en) van loeven(e) tusschen pete(re)n de becke(r) scrij(n)make(r)/ t(er) eenre ende joese vranc(ken) briede(r) inden crudewaghen/ t(er) ande(re) dair pet(er) hem yesch betalinge van seke(re)n v(er)dinghd(en)/ wercke leveri(n)g(en) van stoffen brugge(n) bert dacvinste(re)n graten/ en(de) des d(aer)aen cleeft die int selve verdringe(n) gedroegen/ tsame(n) xxi rinsgulden d(aer)op hij kinde gehave(n) te hebben(en) v(½)/ r(ins)g(ulden) soe datt(er) hem noch gebraken xv(½) rinsg(ulden) de welke/ de selve pet(er) versochte bij hem opgeleet ende bet(aelt) te w(er)den(e)/ oft dat hij d(aer)toe vo(n)nislijc wordde gecondempneert te/ voirde(r) want hij peet(er) tselve werck ende tverdinghen/ hem alsoe gedaen te hebben(e) ende de stoffe gelevert/ p(rese)nteerde te thoenen(e) oft hem joes dat woude ontky(n)ne(n)/ mede d(aer)entinde(n) te cleren(e) bij eede dat hij opde geheele/ so(m)me voirs(creven) niet meer ontfange(n) en hadde dan de/ voirs(creven) v(½) r(ins)g(ulden) d(aer) tegen joes bekynnen(de) de leveri(n)ge/ vanden stoffen dwerck gedaen ende tverdingen in/ dien gesciet te zijne soe peet(er) dat beleyt ende d(aer)op
//
en behoefde gheene(n) thoen mair seydt want/ inde(n) lichte(n) tijde was vanden gelde verdinght/ ende pet(er) d(aer)op gehave(n) hadde v(½) rinsg(ulden) swairs/ gelts soe en was hij hem d(aer)aff niet meer sculdich/ soe hij seyde dan xxx stuv(er)s de welke hij soe hij/ seyde bet(aelt) hadde machiele vanden veken(en) raymake(r)/ dair pet(er) hem dat gelast hadde hopen(de) d(aer) mede/ te gestaen(e) Tegen dwelc pet(er) replice(re)nde seyde dat/ hij machiele(n) selve hadde moten betale(n) de xxx stuv(er)s/ ende dat machiel joese(n) niet gestaen en soude dat/ hem joes die xxx stuv(er)s betaelt hadde ende ae(n)gaen(de)/ vanden lichten tijde soude bevonden wordde(n) dat de/ lever(in)ge vand(e) stoffen en(de) dmake(n) vande(n) wercke ende/ alle dachue(re)n in dien wae(re)n gesciet inden swae(re)n tijde/ vanden gelde ende tverdingen al mocht d(aer) af lange/ te voe(re)n sprake geweest hebben wairt geslote(n) en(de)/ vast gemaict inde(n) swae(re)n tijde tussche(n) paessche(n) ende/ sinxen(en) Wair bij hij p(er)sisteerde in zijn conclusie nyet/ te myn de selve pet(er) p(rese)nteerde den selve(n) joese te/ nemen(e) in wersijden goede mans die d(aer)aff wisten/ te spreken(e) ende hen te v(er)e(n)ingen opdat zij consten/ oft neen de geswoeren(en) vanden ambachte op cost van/ ongelijken om dwerck ende gelev(er)de stoffe d(aer)toe/ te visiteren(e) ende wes die bevonde(n) dat d(aer)aen v(er)die(n)t/ wae(r) d(aer) woude hij mede te vrede(n) zijn ende op ende/ aff gaen Es gewijst bij scepen(en) van loven(e) t(er) ma(n)niss(en)/ smeyers dat p(ar)tien acht(er)volgen(de) d(er) voirs(creven) p(rese)ntacie(n) nemen/ sullen goede mans om te vere(n)nigen opdat zij co(n)nen/ van hue(re)n voirs(creven) gescille oft in gebreke van dien op/ cost vande(n) ongelijcke(n) den geswoeren(en) vand(en) ambachte/ die oversien hebben(de) de geleverde stoffe ende dwerck/ ende p(ar)tien gehoirt de selve appointe(re)n sullen soe zij/ nae gelegenth(eit) vander saken in reken(ingen) ende besceide/ sulle(n) vinden behoiren(de) julii v[ta]