Tusschen claese van hoelen t(er) eend(er) ende claese crabbe/ ende ja(n)ne gheerma(n) t(er) ande(re) van hue(re)n gescille(n) die/ zij tege(n) malcande(re)n uutstaen(en) hebben aengaen(de) der/ come(n)scap die claes crabbe gedaen heeft tege(n) claese/ van hoelen van twee vie(re)ndeel wijng(ar)ts opten/ roesselberch voirmaels bijde selve(n) claese van hoele(n)/ genome(n) tegen arnoldo kyp opden pacht van eend(er)/ halv(er) amen wijns te leve(re)n uuyt volle(n) cuype(n) voir
//
dbecken van welker come(n)scap de voirs(creven) jan gheerma(n)s/ soe hij seyde voirts ov(er)genomen te hebben vand(en) selve(n)/ crabbe beg(er)de vand(en) voirs(creven) claese van hoelen gued(inge) ende vestich(eit) die de selve claes van hoelen mey(n)de/ hem niet te moete(n) doen want hij tege(n) he(m) niet/ gecome(n)scapt en hadde Oick en was hij niet sculd(ich)/ den voirs(creven) crabbe e(n)nige gued(inge) te doen(e) hem en/ wordde voldaen zijn halve ame wijns te wijntijde/ lestleden d(aer) aff gevalle(n) ende noch ombet(aelt) uutstaen(de)/ en(de) besorcht vand(er) halv(er) amen die d(aer) aff te wij(n)tijde/ vallen sal die hem navolgen(de) d(er) come(n)scape behoe(re)n/ vernueght te wordde(n) Eysschte oic den selve(n) claese/ crabbe div(er)se ande(r) gebreke(n) van waren tzijne(n)t/ gehaelt van boeten ende and(er)ssins ende dat claes/ crabbe hem afname en(de) versekerde genoech zijnde/ voir zijn ontheffen vand(er) obligac(ien) d(aer) inne hij aen/ den voirs(creven) ar(nol)[do] kyp (ver)oblig(er)t steet soe dat oick/ behoert soe de voirs(creven) van hoelen seyde navolgen(de)/ der voirs(creven) come(n)scap d(aer)aff al de selve van hoele(n)/ beg(er)de te zijn voir meye(r) ende scepen(en) Op dwelc/ de wed(er)p(ar)tie de (contra)rie sustineerde bij div(er)sen reden(en)/ versueken(de) ut(er)lijc de selve wed(er)p(ar)tie vand(en) vroe(n)ten/ d(aer) claes van hoelen he(m) in hadde gesedt ende/ hielt costeloes ontslagen te zijn Tegen dwelc claes/ van hoele(n) seyde dat hij mits zijnd(er) ongehoirsamh(eit)/ en(de) ten derden ontbied(en) vand(er) stadt niet gecomp(ar)eert/ zijnde in hachte(n) gestelt was Es uutgesproken/ bijden raide vander stadt dat claes crabbe vand(er)/ vroenten geslaect sal zijn totten ynde vanden beslichte/ van desen en(de) dat p(ar)tien h(ier)aff huer recht sulle(n) volgen/ voir meye(r) ende scepen(en) in cons(ili)[o] opidi junii xxv