It(em) jouffr(ouwe) lijsbeth van zeve(n)berghe wed(uwe) noels wijlen/ stradio cu(m) tuto(r)e in p(rese)ntia heeft gekint en(de) gelijt dat/ zij anthonise en(de) janne van seve(n)berghe hue(re)n bruede(re)n
//
van goed(er) wettig(er) scult wettelijc sculdich te zijne de so(m)me van/ hond(er)t rinsg(ulden) te xx stuve(r)s tstuck Ende in voldoeni(n)ge van/ des voirs(creven) es heeft de selve voirts beki(n)t den selv(en) hue(re)n/ brued(er) wettelijck vercocht in afslage en(de) afcortinge vand(en)/ selve(n) hond(er)[t] rinsg(ulden) rinsg(ulden) eens de p(er)eelen h(ier) nae/ bescreven Te weten(e) inden yersten vijff p(er)de(n) drie/ voelen drie coyen vijff calve(re)n elc een jair oudt zijnde/ eenen wagen een ploech een eechde en(de) de(n) toebehoirte(n)/ en(de) dit altsamen in afcorting(en) als voe(r) om en(de) voe(r) de/ so(m)me van vijffich rinsg(ulden) ind(er) werd(en) voirs(creven) ende voirt/ meer alle alsulke ande(r) en(de) beruerlijke goed(en) en(de) een/ soech met thien verken(en) die alsnu t(er)tijt sijn en(de) wese(n)/ mogen bynnen den huyse en(de) hove metten toebehoirten/ geheete(n) bosse(r)mo(n)t gelege(en) te s(en)te goris d(aer) deselve wed(uwe)/ nu inne woent all ts(amen) om de so(m)me van l gelijke r(ins)/ g(ulden) ten p(ri)se en(de) in mi(n)d(er)niss(en) als voe(r) Geloven(de) deselve/ wed(uwe) den gebruede(re)n [alle] die goede vors(creven) t(er) stont peyslijc/ en(de) vredelijck te doen en(de) lat(en) volgen als dat sij dair/ mede als met hue(re)n prope(re)n goeden hue(r) p(ro)fijt doen/ sullen moegen met v(er)coepe d(er)selv(er) goede om tot huer(er)/ voirs(creven) scult te mogen comen oft and(er)ssins soe den selve(n)/ gebruede(re)n dat best gelieven sal al sond(er) fraude en(de)/ argelist cor(am) graven aelst ap(ri)lis t(er)cia