Allen den genen dat hee(r) ende meest(er) claes de mea(n) als rege(n)t/ ende meest(er) hubrecht gheert schoenen als meest(er) ind(er) petagogien/ gehete(n) tvercken te loeven(e) gep(ro)moveert d(aer) ond(er) jan ende (christ)offel/ villain sone(n) wijlen lansloets villain die(n) hij hadde van jouffr(ouwe)/ lijsbetthe(n) wijlen van blaersvelt zijnd(er) huysvr(ouwe) hue(r) studiu(m) en(de)/ lesse ind(er) selv(er) petagogien doende zijn ende alsoe inde statuyte/ vand(er) univ(er)siteyt in des(er) stadt reside(re)nde als mo(m)boirs en(de) exe/ rutuers d(er) selv(er) twee gebruede(re)n gehoud(en) wordd(en) ind(er) mat(en) dat/ van oudts naeden selve(n) statuyte(n) ond(er) houden is geweest in p(rese)ntia/ hebbe(n) gekint en(de) geaff(ir)meert dat alsulken p(ro)cu(r)atoriu(m) als de voirs(creven)/ twee gebruede(re)n deden en(de) passeerden voe(r) wet van des(er) stadt xxiiii[ta]/ nove(m)br(is) lestleden ond(er) den segel ad causas des(er) selv(er) stadt den/ p(er)soene(n) d(aer) inne begrepe(n) oft den eene(n) van hen bring(er) sbriefs dat dat alsoe gesciet is bij hue(re)n voirgaen(de) wille (con)sente/ en(de) advijse om te doene en(de) te vervolgen des de selve p(ro)cu(r)atie/ uutwijst en(de) begrijpt ende hebbe(n) alsoe geapp(ro)beert gelaudeert/ en(de) geco(n)f(ir)meert en(de) mits des(er) app(ro)be(re)n laude(re)n en(de) (con)fi(r)me(re)n tselve/ p(ro)cu(r)atoru(m) en(de) allet ghene des bijd(en) selve(n) p(ro)cur(eur)s oft bij d(en) eene(n)/ van hen oft bijd(en) gesubstitueerd(en) van e(n)nigen van hen in/ e(n)nich van [he(n)] dien oft des dien ae(n)cleeft gedaen es geweest/ oft gedaen sal wordden in e(n)ing(er) manie(re)n Geven(de) inden/ name ende uuyt aucto(r)iteyte als voe(r) en(de) oic uuyt nyeuwe(n)/ en(de) besunderden laste he(m) h(ier) inne gegeven soe zij seggen van/ mijne(n) hee(r) den rectoir vand(er) univ(er)sit(eyt) voirs(creven) den selve(n)/ p(ro)cur(eur)s ende hue(re)n gesubst(itueerden) ende elken van hen volcomen/ macht p(ro)cu(r)atie ende auct(oriteyt) te doen(e) en(de) te vervolgen alle/ tgene des en(de) gelijc tvoirs(creven) p(ri)ncipael p(ro)cu(r)atoriu(m) uutwijst/ en(de) begrijpt promitten(tes) rat(um) revu(n)c(iantes) salvo iusto calculo/ cor(am) h(er)meys aelst m(ar)tii x[a]