Nae dien wout(er) de mortsain een der scepen(en) vand(en)/ cloest(er) van wave(r) tot ottengniez ten v(er)sueke laur(eys) huwelet/ gerasteert heeft om uut zijne(n) handen te crigen(e) des/ voirs(creven) laur(eys) deel van alsulken pe(n)ni(n)gen alse gecome(n)/ zijn vand(e) haeffelijken goed(en) diericx obble die bijd(en)/ voirs(creven) wout(er) de mortsain ende zijn medescepen(en) mette(n)/ offic(ie)r ald(aer) v(er)cocht zijn geweest uuyt versuecbrieve(n) van/ des(er) stadt t(er) instan(cien) desselfs laureys weyns moens/ en(de) noch twee hue(re)n medepleg(er)s als borg(en) des voirs(creven)/ diericx obble ende de voirs(creven) weyn moens met/ brieve(n) van des(er) stadt soe voe(r) den voirs(creven) woute(re)n/ mortsain soe voir hem selve(n) als medescep(enen) voirs(creven)/ oic voe(r) den voirs(creven) woute(r) ende ande(r) heeft doen uut/ scrive(n) tvoirs(creven) rastame(n)t soe als poirte(r) soe uuyt dien/ dat tvoirs(creven) vercoepe(n) gesciet soude zijn uuyt crachte/ vande(n) versueckbr(ieve) van des(er) stadt voirs(creven) Ende d(aer) aff/ den dach van rechte op heden diende soe de voirs(creven)/ laureys dat al int lange met zijne(n) gelev(er)den/ voirspreke heeft doen verhalen inde banck voe(r)/ meye(r) ende scepen(en) van loeven(e) ende de selve weyn/ selve niet gecomp(ar)teert es d(aer) de voirs(creven) huwelet/ hem op heden te rechte tegen he(m) te rechte gep(rese)nteert/ heeft versueken(de) tremvoye Es gewijst bijden/ scepen(en) t(er) maniss(en) smeyers gelieft den voirs(creven) laureyse/ huwelet zijn p(rese)ntacie te doen theeken(en) dat hij/ dat doen mach ende heeft hij voird(er) gebreck dat/ hij dat volge aenden borg(er)meest(er) in scampno/ julii t(er)cia