It(em) want en voirs(creven) toepandt en(de) v(er)ond(er)pa(n)dinge/ spruytende comen uut dien dat henrick van/ hockezeele dien de voirs(creven) ca(m)me geheeten den/ bairs nu toebehoirt dair uuyt vercocht heeft den/ voirs(creven) cornelise van thienen zeker brougereck/ dair inne wesende namelic eene(n) ketel ende/ zeke(re) cuypen en(de) backen d(aer)mede den pandt des/ voirs(creven) gielis van mechele(n) gemyndert werdt/ inde stat vanden welken deselve cornelis den/ selven gielise ende zijnd(er) huysvr(ouwe) den voirs(creven)/ toepandt gestelt heeft voir de voir(screven) erfrinte/ van veertich stuv(er)s en(de) die alsoe sculdich tzijns/ laste te dragen(e) Soe heeft geloeft de selve/ cornelis den voirs(creven) henricke va(n) hockezeele/ de selve sijn ca(m)me geheeten den bairs met/ allen hue(re)n toebehoirten vanden selve(n) veertich/ stuv(er)s erffelijck ende van alle(n) pachte(n) d(air)aff/ verschijnen(de) van nu voirtaene costeloos en(de)/ scadeloos te houden(e) ende allessins tontlasten(e)/ op sulke vorweerde oic oftmen bevonde dat/ de pe(n)n(in)gen vanden vercochten goeden voirs(creven)/ comende de voirs(creven) erfrente van xl stuv(er)s niet/ verstringen en consten dat de voirs(creven) henrick/ van hockesele sgheens dat die myn gedroegen/ den voirs(creven) cornelise oprichte(n) zal en(de) oft dier/ pe(n)ni(n)g(en) oic meer wae(r) dan om te quijte(n) de vorg(eruerde)/ erfrinte dat dat meer den selve(n) henricke bijd(en)/ voirs(creven) cornel(is) oic uutgereyct en(de) bet(aelt) sal wordd(en) cor(am) eisd(em)