Item henrick boene die thuys inde legest(ra)te/ gelegen hem ende zijne(n) mede erfgenamen toe/ behoiren(de) pantverich gemaict heeft als robbeert/ loenijs als procur(eur) denijs vand(er) moelen d(aer) op gedaight/ heeft ende welk(en) pant voirt afgepant is met/ rechte voe(r) derfrinte van vii gouden gulden(en) d(aer)/ voe(r) de selve robb(er)t d(aer)op daighde heeft geco(n)se(n)teert/ dat de selve denijs die afgepande pande doen/ scatten met gesworen(en) scatters en(de) voirts v(er)coepen/ en(de) pe(n)new(er)d(en) ten hooghsten en(de) de pe(n)ni(n)gen d(aer)aff/ trecken Is hij te cort dat hij voirt p(ro)cede(re) ende/ daige met rechte voir tselve gebreck met/ coste ende co(m)me(r) op zijne(n) voirs(creven) pant ov(er)t d(aer)/ oic yet dat hij dat wed(er)kee(re) cor(am) buetsele/ baets octobr(is) xxi