Item willem colen sone arndts poirt(er)s van loeven(en)/ als p(ro)cur(eur) desselfs zijns vaders welke arnt als/ poirte(r) voirmaels heeft doen afscriven met br(ieven)/ van des(er) stadt gescreven aenden schouth(eit) van doirne/ geheeten ghevairt van doirne alsulken ongebruyck/ als de voirs(creven) schouth(eit) den voirs(creven) arnde doende was/ aen sijn seke(r) goede gelegen te doirne met des dien/ voird(er) aencleefde ende den selven schouth(eit) doen dach/ besceyden inde banc voe(r) meye(r) en(de) scepen(en) van loeven(en)/ oft hij hem d(aer) tegen hadde willen oppone(re)n tot seke(re)n/ ov(er)leden(en) daige van rechte tot div(er)sen stonden/ uutgestelt geweest hebben(de) ende alsoe op hede(n)/ bij co(n)t(inu)atien dienen(de) heeft hem op heden te/ rechte gep(rese)nteert tegen den voirs(creven) schouth(eit) Ald(aer)/ de selve scouth(eit) niet gecomp(ar)eert en is noch/ p(ro)cur(eur) van zijne(n) wegen in scampno p(rese)ntib[(us)]/ h(er)meys borch buets(ele) baets scabinis nove(m)br(is) xii