Want mychiel van schoelant als geleydt/ nae deser stadt recht voir zijn wettich/ gebreck uuyt crachte van scepen(en) brieven/ van loeven(en) tot allen den goeden beyde/ have ende erve reyners reniers soe wair/ die gelegen zijn hem met brieven/ van des(er) stadt gescreven aenden meye(r)/ van halen oft zijnen stadthoude(r) te wynge/ alle de selve goede behoirlijc heeft doen/ leve(re)n ende den selven reyneren dach/ van rechte te comp(ar)e(re)n alhier inde banc/ voir meye(r) ende scepenen van loeven(en)/ / doen bescheyden oft hij hem dair tegen/ hadde willen opponeren Aldair hij/ op heden als ten daighe van rechte/ dair toe dienende niet gecomen/ noch gecomp(ar)eert en is noch niemant/ van zijnent wegen ende will(em)me/ cloestermans als procur(eur) vanden voirs(creven)/ geleydden compare(re)nde ende trecht voirts/ versuekende soe verre dat de scepen(en)/ van loeven(en) ter manissen smeyers nae/ dat hen behoirlijc gebleken heeft bij/ cleernissen willems meest(er) jans stadhoude(r)/ smeyers van halen tot wynge de voirs(creven)/ leveri(n)ge ende dach besceydinge behoirlijck/ gesciet te zijne gewijst hebben met vo(n)nisse/ wair de wed(er)p(ar)tie vanden voirs(creven) geleydden/ niet en comp(ar)eert voire den opstaene smeyers/ ende der scepen(en) datmen den selven geleydd(en)/ vand(en) voirs(creven) goed(en) houden soude inde macht van/ zijne(n) beleyde scepen(en) br(ieven) en(de) leveri(n)gen alsoe v(er)re/ alst noch voir scepen(en) comen is in scampno/ januarii xxiiii