Item lodewijc geluys ende henr(ic) boedevast als/ laten sjonche(re)n van lynthe(re) in zijne(n) hoff tot bynckem/ in p(rese)ntia hebben getuyght exp(re)sse dat zij met/ jacoppe wijlen roecx ende g(er)de wijlen de draye(re)/ hue(re)n mede laten [d(aer)] bij aen ende over geweest hebben/ dair omtrint zesse jae(re)n geleden pet(er) van rode/ naed(er) bancken recht van bynckem beleydt gedaight/ / ende gevolght heeft op twee plecken wi(n)nents/ lants d(aer)af deen gelegen is opt fraeywijcker velt/ houden(de) een dach(mael) tusschen de goede wijle(n) jans/ boedevast nu boudewijns jorijs de goede der efg(enamen)/ goessens wijlen berwouts des abdts van vlierbeke/ ende den voetpat leydende te bynckem w(er)t dande(r)/ plecke houden(de) een boend(er) gelegen opt eyge(r)s velt/ tusschen de goede der erfg(enamen) wout(er)s wijlen van ende/ nu willems van nyvele te twee zijd(en) en(de) de gemeyn/ strate leyden(de) te thiene(n) w(er)t t(er) derder zijd(en) voe(r) tgebreck/ van betali(n)gen van twee mudden harts corens pacht/ van bynckem en(de) mate van thienen erfpachts jairl(ix)/ t(sin)[t] andries(mis)s[e] apostels te betalen(e) die de selve pet(er)/ bij v(er)crijge d(aer) aff tegen ja(n)ne van rode zijne(n) brued(er)/ gedaen hadde ende heffende was op de voirs(creven) goede/ ende d(aer) voe(r) de selve pet(er) naed(er) selv(er) bancken recht/ de selve goede erffelijc uutgewo(n)nen heeft en(de) met/ vo(n)nisse vanden selven laten bij leen(in)gen vand(en) scepen(en)/ van thienen hue(re)n hoode behoirlijc inne gegoedt/ en(de) gevesticht heeft geweest uut crachte vanden/ selven vervolge dageme(n)ten en(de) uutwi(n)ni(n)gen ende/ dat dit al geschiet is met alle(n) solempniteyten van/ rechte d(aer) toe naed(er) selv(er) bancken recht behoe(re)nde/ quiquid(em) rogan(tes) quod faciu(n)t h(er)meys borch febr(uarii)/ xx[a]