Nae dien goirt rogge voirmaels inde/ banc voe(r) meye(r) en(de) scep(enen) van loeven(en) aen
//
aengesproken heeft met rechte met zijnen/ gelev(er)den voirspreke robb(er)de vand(er) moelen/ van seke(re)n injurieusen woird(en) op hem bijden/ selven robben(e) gesproken en(de) handedich(eit) aen hem/ voirtgekeert ten tijde en(de) opden dach dat yde/ rogge zijn suster hue(r) voirspel hielt int/ huys geheeten den hont op de biest d(aer) de/ selve robben was comen inde feeste met/ vijff oft vi gesellen bedriven(de) ald(aer) grote hov(er)die/ en(de) geven(de) ald(aer) der bruyt vele grote injurieuse/ en(de) scamel(ijcke) woirde hue(re)r ee(re)n grotelijc ae(n)gaen(de)/ en(de) om dat de selve goirt hem des bedroech/ dat de selve robben den selven goirde alsdoen/ hadde genomen metten boeseme ghij hoereki(n)t/ soudijs u bedragen en(de) swoir ons he(re)n vijff/ wonden seggen(de) ic soude u op u hersse(n)becken/ houwen Des(en) en(de) gelijk(en) woird(en) en(de) hanteri(n)g(en)/ oft hem die wordden ontkint p(rese)nteerde hij/ te thoenen en(de) metten mi(n)sten te gestaen(e) hopen(de)/ voir zijn co(n)clusie die bij robben(e) gekint/ oft bij zijne(n) ontkynnen(en) bij goirde gethoe(n)t/ dat de selve robben gehouden soude zijn/ hem t(er) bet(er)niss(en) van dien te doene eene(n)/ wech te roomen te melanen oft andere/ alsulk(er) bet(er)niss(en) als de he(re)n wijsen souden/ hem des getroesten(de) totten rechte D(aer) tegen/ de voirs(creven) robben hem v(er)antw(er)den(de) ontkinde/ genoech dbileggen des voirs(creven) goirts seggen(de)/ dat vand(er) selv(er) saken tusschen janne lambrechts/ als man ende mo(m)boir der voirs(creven) yden en(de) he(n)/ gebruede(re)n rogs questie geweest hadde en(de)
//
alnoch ombeslicht hinc voir den raide vand(er)/ stadt d(aer) de kinde(re)n rogs met hue(re)n ad/ he(re)nten he(m) ontboden hadden en(de) over he(m) geclaecht/ vand(er) hanteri(n)gen die tusschen he(n) geweest/ hadde opden feestdach voirs(creven) soe dat al in/ eene(n) bant soe hij seyde gebonden hadde/ geweest sustine(re)nde alsoe bij dien en(de) meer/ ande(re)n reden(en) d(er) sak(en) alh(ier) inde banck ongehoud(en)/ te zijne Dair tegen de selve goirt r(e)plice(re)nde/ seyde dat dair gheen voird(er) clacht gesciet/ en was dan vand(er) injurien die zijnd(er) sust(er)/ op hue(re)n dach van ee(re)n bij robben(e) van oneer/ lijck(en) en(de) zee(r) scamelijck(en) woirden overgeseecht/ en(de) ged(aen) wae(re)n ende niet vand(en) woirden en(de)/ handedich(eit) die de selve robben aen zijne(n) p(er)soen/ hadd(en) gedaen ende die en(de) p(ar)tien sak(en) bij/ vo(n)nisse van scepen(en) voirt gestelt zijn geweest/ ind(er) stadt handen en(de) tott(er) stadt t(er)mi(n)acien dair/ de gelijcke sake van injurien der zuster gedaen/ hinc ombeslicht Soe zijn p(ar)tien comen voir/ den selven raide opdoende de selve goirt/ dbedinghde voirs(creven) offe(re)nde d(aer) aff thoen als/ voe(r) ende de voirs(creven) robben antw(er)den(de) dat/ ontkynnen(de) soe v(er)re dat goirt tot zijnen/ thoene gewijst zijnde thoende met augustijne/ vand(en) zande dat hij goirde hoirde seggen/ dat hijs hem bedroegh dat robben zijnd(er)/ sust(er) hoere hyete en(de) dat robben doen seydt/ soudijs u bedragen en(de) nam zijn mes halff/ uuyte en(de) alsoe w(er)t hij uuytgedrongen Met/ luycke(n) vand(en) dale thoende hij dinhout van/ goirts v(er)mete met henr(icke) van aelst dat hij/ hoirde groot geruchte en(de) sach dat robben/ goirde metten boeseme nam en(de) goirdt
//
bedroechs hem met kerse Die cnape es/ henr(ic) m(er)tens die hoirde ende sach dat/ robben vraechde oft zij bet(er) zijn woude dan/ zij geweest hadde ende sach oic dat robben/ goirde metten boeseme nam mair en v(er)stont/ de woirde niet Welken thoen aldus/ volleydt zijnde de voirs(creven) goirt tendeerde/ tot zijnd(er) conclusien voirs(creven) ende de procur(eur)/ van robben(e) t(er) (contra)rien soe v(er)re dat bijd(en)/ raide vand(er) stadt get(er)mineert en(de) uutgesproken/ is dat de selve robben vand(er) moelen/ gehouden sal zijn den voirs(creven) goirde rogge/ t(er) bet(er)niss(en) vand(er) voirs(creven) handedich(eit) te doene/ eenen wech te straesborch derw(er)ts te porren(e)/ bynnen xl daigen nae dat hij zijn yerste/ correctie voldaen sal hebben en(de) wederom/ comen sal zijn ende d(aer) aff goede wairheyt/ te bringen naid(er) stadt recht oft zijne(n) goed(en) moet/ d(aer) aff te crijgen in (con)s(ili)[o] opidi p(rese)ntib(us) abs(oloens) burg(imagistr)[o]/ hoelair sub(stitu)[to] burg(imagistr)[o] et plu(r)ib[(us)] aliis de (con)s(ili)[o]/ octobr(is) xxvi