Tusschen de werdynne inden hassewint inde/ hoelstrate bij ons(er) liever vr(ouwen) capelle die bijd(en) raide/ vand(er) stadt ontboden hadde anth(onise) van tongerloe/ briede(r) om van hem betaelt te wordden(e) van/ alsulken pe(n)ni(n)g(en) als hij soe zij seyde onderhadde/ toebehoiren(de) eend(er) vr(ouwen)p(er)soen oft jonge(n) meyssen(e)/ dair tegen de selve anth(onis) gecocht hadde tscaer/ hout van eene(n) dach(mael) bosch gemerct dat de/ selve w(er)dynne die pe(n)ni(n)g(en) aen anth(onise) hadde/ doen raste(re)n en(de) d(aer)entinden met drie rastame(n)ten/ vervolgen ende uuytwynne(n) met rechte zoe/ v(er)re dat huer soe zij seyde die vo(n)nislijc aen/ gewesen wae(re)n inde banck voe(r) meye(r) ende/ scepen(en) van loven(e) t(er) eend(er) ende den selve(n) anth(onise)/ die ontkinde vand(en) selve(n) coepe alnoch yet/ sculdich te zijne gem(er)ct dat hij d(aer) op betaelt/ hadde omtrint twee rinsgulden(en) voir en(de) eer/ die pe(n)ni(n)gen aen hem gerasteert wae(re)n om/ huer dair mede te cleeden(e) want zij zee(r)/ armelijc gecleet was ten ande(re)n male al/ en wae(r) des niet soet was want dien/ coop stont te boschpayen te betalen d(aer) aff/ den yersten t(er)mijn en(de) hellicht yerst vallen soude/ s(in)[t] jansmesse ende dande(r) te bamesse beyde/ naistc(omende) ende alsoe wair zij met hue(re)n v(er)volge
//
alnoch te vroech oppe ende dat dit aldus/ wair es des wair hij coene tot zijnd(er) eedt/ oft dorste zij de contrarie swe(re)n oft gethoenen/ hij woude d(aer)mede op ende afgaen t(er) ande(re) nae/ dien oic zij genoech bekinde dat anth(onis) als zij/ inde banck tvo(n)nisse voirs(creven) creech d(aer) toe niet/ gedaight en was geweest Es uutgesproken/ ende gecleert op dat de werdynne niet en/ can gethoene(n) oft en derre houde(n) bij eede na/ volgen(de) antho(nis) overgeven dat die pe(n)ni(n)gen/ ten tijde van anth(onis) rastame(n)te gevallen wae(re)n/ dat zij huer met hue(re)n vervolge rastame(n)te/ en(de) vo(n)nisse sal moten verwachten de valdag(en)/ van dien ende d(aer)entinden recht ende alsdan/ sal zij ontfaende de pe(n)ni(n)g(en) vand(er) ov(er)leveri(n)g(en)/ van dien soe vele moeten doen dat anth(onis)/ met eend(er) betali(n)gen sal gestaen In (con)silio op(idi)/ p(rese)ntibus ambobus burg(imagis)[tr(is)] et plu(r)ib(us) aliis de (con)s(ili)[o]/ nove(m)br(is) ii[a]