Opde impetracie die hub(er)t le ma(m)bo(u)[r] gedaen/ heeft als poirte(r) van loeven(en) van seke(re)n missive(n)/ gescreven aenden meye(r) vand(er) ballerie tot boesvael/ lancelot van lymelet om als poirte(r) ger(e)stitueert/ en(de) ontslagen te hebben(e) vuelen(en) hem toebeh(oirende)/ die de selve lancelot hadde doen panden voe(r)/ seke(r) scaden die de selve beesten den selve(n) lancelot/ ged(aen) mochte(n) hebben in zijn vruchten die welke/ getaxeert hadd(en) geweest op een zist(er) t(er)wen (et)c(etera)/ Sijn come(n) inde banc voe(r) meye(r) en(de) scepen(en) van/ loeven(en) beyde de selve p(ar)tien ald(aer) de selve lanceloot/ opdede dat dit was en(de) aenghinc gebuerl(ijcken) recht/ te weten(e) d(er) voirs(creven) schad(en) hem gedaen bijde/ voirs(creven) beesten en(de) de(n) costen d(aer) uuyt gespruyt/ en(de) dat hij d(aer)aff alnoch niet en was betailt tendeerde/ d(aer) om met zijnd(er) conclusien totten re(n)voye Den voirs(creven)
//
hub(er)de de (contra)rie sustine(re)nde meynde want die/ scade getaxeert was en(de) bij hem geloeft te bet(alen)/ dat d(aer)om schatscult d(aer)aff gemaict was en(de) dat/ alsoe en(de) oic mits dien dat die beesten ond(er) eene(n)/ ande(re)n hee(r) wae(re)n gerasteert dat d(aer)om lanceloot/ met zijne(n) re(n)voye verdoolt was ende dat die/ sake alh(ier) mits zijnd(er) vrijh(eit) recht sculdich was te/ bliven Den voirs(creven) lanceloot de (contra)rie sustine(re)nde/ bijden reden(en) voirs(creven) ende oic want hub(er)t bijde/ geimpetreerde missive m(er)kelijc bleke dat die/ besc(reven) was aen desselfs lanceloots meye(r) vand(er)/ ballerie tot boesvael en(de) nieman(de) dat hij die/ beesten ontslaen soude soe hij obedient wesen(de)/ den selve(n) scriven(en) dat gedaen hadde met meer/ woirden Es gewesen bijden scepen(en) van loeven(en)/ t(er) manissen smeyers dat zij die zake en(de) p(ar)tien setten/ en(de) versonden t(er) bancken recht van boesvael voirs(creven)/ van dair zij comen was Act(um) in scampno o(mn)ib[(us)]/ scab(inis) p(rese)ntib[bus] dempt(is) tymple baets dec(embris) decima