Item willem de meldegreve als man en(de) momboir/ berbelen van nype zijnd(er) huysvr(ouwe) en(de) jan vleemi(n)cx/ als man ende mo(m)boir m(ar)griete(n) van nype zijnd(er)/ huysvr(ouwe) en(de) zust(er) der voirs(creven) berbele(n) in p(rese)ntia hebbe(n)/ gekint en(de) gelijdt dat zij van wegen jans van nype/ huers swag(er)s buyte(n) lants zijnde en(de) d(aer) aff twivel es/ oft hij leven(de) oft doot is gehaven en(de) ontfa(n)gen
//
hebben van marie(n) shasen wed(uw)[e] jans wijle(n) van/ nype de so(m)me van zesse pet(er)s te xviii stuv(er)s tstuck/ en(de) noch een croene van xxiiii stuv(er)s die de voirs(creven)/ jan wijlen van nype in zijd(er) levend(er) tijt als mo(m)boir/ des voirs(creven) jans van nype gehaven en(de) ontfanghen/ hadden voe(r) dafquiti(n)ge van (½) mudde corens erffelijc/ die de voirs(creven) jan nype brued(er) der voirs(creven) gesuste(re)n/ heffen(de) was te wiltsele aen goirde van landen(en)/ Geloven(de) de voirs(creven) geswag(er)s de voirs(creven) wed(uw)[e] h(ier)mede/ los te houden aend(en) voirs(creven) ja(n)ne hue(re)n swag(er) oft gebuerde/ dat hij naemaels wed(er) te lande quame alsoe dat zij/ gheene(n) last d(aer) aff meer hebben en sal Te voirde(r)/ oick want de selve wijle(n) jan van nype in zijn/ dootbedde liggen(de) de voirs(creven) geswag(er)s bat soe zij/ seyden dat zij hen mits der so(m)men voirs(creven) in des(er)/ souden willen laten genuegen p(ro)ut cor(am) h(er)meys borch/ decembr(is) xvi