It(em) de voirs(creven) joes de hertoghe ende henr(ic) van ravescote/ goreelmake(r) hebbe(n) geloeft ind(ivisim) inden name ende/ van wegen der voirs(creven) weduwen pi(n)nocx den voirs(creven)/ executeurs dat zij mette(n) pe(n)ni(n)gen comende vanden/ coepe vand(er) voirs(creven) rinten van seven hollansg(ulden) erff(elijc)/ die de voirs(creven) weduwe tegen hen gecocht heeft den/ pe(n)i(n)ck xiiii beloepen(de) tsamen t(er) so(m)men van xcviii/ hollansg(ulden) die maken te rinsg(ulden) gerekent lxxviii/ rinsg(ulden) viii stuv(er)s lossen ende afquijten zullen/ met vollen pachte alsulke(n) xiiii rins g(ulden) lijftochten/ sjaers als meest(er) stas vand(er) hoeven met scepen(en) br(ieve)/ van loeven(en) heffende is opden voirs(creven) henr(icke) wijlen/ cleynart ende zijn medeborghen nae inhoudt vand(er)/ selve(n) scepen(en) br(ieve) ende dat tusschen dit ende den/ yersten valdach van dien Behoud(elijc) oic dat der zelv(er)/ weduwen dairtoe oic volgen zullen die twintich/ / rinsgulden(en) die willem van leefdale den selven/ executeurs sculdich es uut saken van twee mudden/ rogs erff(elijc) met lichte(n) gelde gecocht bijd(en) voirs(creven) wijlen/ henr(icke) cleynart op janne ve(re)ntruden coste(r) van bethekem/ met scepen(en) br(ieven) van loeven(en) d(aer)aff gemaect zijnde/ die de voirs(creven) willem van leefdale tegen de selve/ executeurs oec gecocht heeft om de voirs(creven) so(m)me van/ twintich rinsg(ulden) voirs(creven) welke twintich rinsg(ulden)/ de selve willem van leefdale geloeft heeft te betalen/ der voirs(creven) weduwen tott(er) voirs(creven) afquiti(n)g(en) behoeff/ der xiiii r(ins)g(ulden) lijftocht(en) voirs(creven) tusschen dit en(de) den/ yersten valdach der zelv(er) lijftocht(en) Ende dat de/ selve weduwe tsurplus vand(en) pe(n)ni(n)g(en) vand(er)/ geheeld(er) afquiti(n)gen der voirs(creven) xiiii rinsg(ulden) lijftochten/ en(de) den acht(er)stelle(n) d(air)aff gevalle(n) en(de) o(n)betaelt uutstaende/ mett(er) naest(er) verschijnend(er) rinten d(air)aff en(de) den costen/ d(air)op gedaen voirts gebreken(de) bove(n) de voirs(creven)/ lxxviii r(ins) g(ulden) viii stuv(er)s vande(n) coepe d(er) voirs(creven) seven/ holl(ans)g(ulden) erffel(ijc) ende twintich rinsg(ulden) eens vanden/ voirs(creven) twee mudden core(n)s gecomen voirts verleggen/ sal om de voirs(creven) lijftocht geheelic af te quijte(n) met/ vollen pachte aend(en) voirs(creven) meest(ere)n stasse vand(er)/ hoeven Ende des heeft t(er) ande(r) zijde(n) de voirs(creven) jan/ cleynart geloeft der selv(er) weduwen pi(n)nox te r(e)stitue(re)n/ ende te voldoene oic tussche(n) dit en(de) den naiste(n) valdach/ der voirs(creven) xiiii r(ins)g(ulden) lijftocht(en) alle alsulke pe(n)ni(n)gen/ als de selve wed(uw)e meer uutgeleet sal hebbe(n) het zij/ van pri(n)cipale(n) hootpe(n)ni(n)g(en) der voirs(creven) lijfpen(sien) van betaeld(en)/ rinten d(er) selv(er) en(de) van coste(n) gedaen ofte doene dan de/ voirs(creven) lxxviii r(ins)g(ulden) viii st(uvers) vand(en) coepe d(er) voirs(creven) vii holl(ans)g(ulden)/ erff(elijc) ende de voirs(creven) xx r(ins) g(ulden) vand(en) coepe d(er) twee mudd(en)/ rogs erffe(lijc) voirs(creven) gecome(n) gedragende zijn al t(er) goed(er)/ rechte(n) des(er) rekeni(n)gen tamq(uam) ass(ecutu)m cor(am) eisd(em)