Want adriaen van heylwighen rintm(eeste)r ons gened(ichs)/ he(re)n ts(er)togen tot loeven(en) als geleydt nae des(er) stadt/ rechte voir zijn wettich gebrec uuyt crachte van scepen(en)/ br(ieven) van loeven(en) tot allen den goeden beyde have en(de) erve/ arnts wijlen van rode ende jacops coene zijns behoude/ soens zoe wair die gelegen zijn hem met br(ieven)/ van des(er) stadt gescreven aenden meye(r) van opvelpe oft/ zijne(n) stadhoude(r) alle de selve goede behoirlijc heeft/ doen leve(re)n ende den kynde(re)n en(de) erfgenamen des voirs(creven)/ wijlen arnts en(de) hue(re)n wi(n)nen en(de) huerlingen en(de) den/ voirs(creven) jacoppe coene dach van rechte te comp(ar)e(re)n/ alh(ier) inde banck voe(r) meye(r) ende scepen(en) van loeven(en)/ doen bescheyden oft zij hen d(aer) tegen hadden willen op/ pone(re)n Ald(aer) zij op heden als ten betheeken(de) daighe/ van recht niet geco(m)p(ar)eert en zijn noch niema(n)t/ van hue(re)n wegen den voirs(creven) geleydd(en) co(m)p(ar)e(re)nde/ en(de) trecht voirt v(er)sueken(de) soe v(er)re dat de scepen(en)/ van loeven(en) t(er) manissen smeyers nae dat hen/ behoirlijc gebleken heeft bij rappoirte baud(ewijns) belle(n)s/ des(er) stadt bode tvoirs(creven) exploit gesciet te zijne/ gewesen hebben met vo(n)nisse wair de wed(er)p(ar)tie/ vand(en) voirs(creven) geleydd(en) niet en comp(ar)eert voe(r) den/ den opstaen(en) smeyers en(de) der scep(enen) datmen den selve(n)/ geleydden houden sal inde macht van zijne(n) beleide/ scepen(en) br(ieven) en(de) leveri(n)gen alsoe v(er)re alst noch voe(r)/ scepen(en) comen es in scampno augusti xi