Item es den voirs(creven) brief bekint ter dier meyni(n)g(en) op dat/ de selve giel(is) h(ier) af gheen v(er)anderi(n)ge oft wederroepe(n) en/ / doet soe hij zijn leefd(age) doen sal moege(n) dat de voirs(creven) willem/ en(de) baud(ewijn) met der voirs(creven) bestelt oft zij lang(er) leefde dan giel(ise)/ joly hue(r) man voirs(creven) behulp doen sulle(n) oft deen van hen/ doen sal mette(n) selve(n) br(ieve) en(de) mette(n) beleyde dat zij oft/ deen van he(n) d(air)uuyt zullen doen nae giel(is) doot oft hij/ voir hue(r) storve nae die(n) de selve giel(is) met testa(me)[te] van/ zijne(n) voirwive(n) des volcome(n) macht heeft dat hue(r) huer/ leefdaige lanc nae desselfs giel(is) doot tot hue(re)r tocht/ behoef alleene blive(n) en(de) volge(n) sulle(n) de goede en(de) rinte/ h(ier)nae bescr(even) Te weten(e) ierst twee huys(en) neve(n) een/ gelege(n) inde p(er)cstrate opde(n) hoeck vand(er) libbekestrate/ tussche(n) de selve strate op deen zijde en(de) de goede wijle(n)/ roelofs corsbout nu der wed(uwe) joes wijle(n) de becke(re) ter/ ande(re) sub iu(r)e p(ri)us It(em) den goude(n) r(ins)g(ulden) en(de) een/ vie(re)ndeel van eene(n) goud(en) r(ins)g(ulden) op een huys inde proef/ strate mette(n) toebehoirte(n) der wed(uwe) vanden b(er)ghe tege(n)/ de halle ov(er) tussche(n) de h(er)berghe geheete(n) tscaep t(er) eende(re)/ en(de) des voirs(creven) giel(is) goed(en) t(er) ande(re) It(em) de xxxviii st(uvers)/ erfelijc tsjaers die giel(is) heeft op i beckerie der weerdi(n)ne/ pet(er)s van ijssche gelege(n) aende stat veste(n) buyte(n) de/ proefstrateporte d(air) m(er)ten(e) vand(er) beken te woene(n) plach/ It(em) noch den chijs die de selve giel(is) heeft opde(n) blauwe(n)/ putte in cap(uynen) d(enieren) en(de) anders gedragen(de) ts(amen) xvii stuv(er)s/ opde goede he(n)r(ix) crabbe molders en(de) dit bove(n) tgene/ des de selve giel(is) hue(r) meer toegevuecht macht oft sal/ moege(n) hebbe(n) en(de) gelate(n) in zijne(n) testa(men)[te] cor(am) eisd(em)