Want mychiel helmich al(ia)s van doirne die uut/ crachte van scepen(en) br(ieven) van loeven(en) overlanck/ gepasseet houdende en(de) besittende is vier rins/ gulden(en) goet en(de) ghinge te wetene twintich stuv(er)s/ der mu(n)ten der doirluchtig(er) he(re)n srooms coni(n)cx ende/ ertsh(er)togen ph(ilip)s zijns zoens naed(er) ordinantien/ vand(en) jae(re) lxxxix d(aer)op gemaict voe(r) elken rinsg(ulden)/ ge(re)kent jairlijck(er) lijfpen(sien) ten live des voirs(creven) mych(iels)/ en(de) everardts zijns zoens ende tot des lancxstleven(de)/ live van hen beyden alle jae(re) opten vii[te(n)] dach
//
van nove(m)bri te betalen(e) ende inden wissel der stadt/ van loeven(en) te leve(re)n aen ende op de goede nae/ bescreven liebrechts svorst(er)s Te weten(e) yerst aen/ en(de) op een huys ende hoff metten kemp hove ende/ alle den ande(re)n toebehoirten gelegen inde stadt van/ halen opde merct aldair tussche(n) de goede henricx/ van beringen t(er) eenre ende marien van cast(er)le t(er) ande(r)/ zijden It(em) aen ende op een stuck lants houden(de) een/ zille ende thien roeden gelegen opt velt geheeten/ rijsbeempt tusschen de goede jans sceepmans/ t(er) eenre henricx thijs t(er) ande(r) en(de) de gemeyn strate/ ald(aer) t(er) derder zijden It(em) aen ende op een stucke/ lants houden(de) een half boend(er) gelegen opt selve/ velt tusschen de goede des voirs(creven) henricx thijs/ t(er) eenre de goede des outairs van ons(er) liev(er)/ vrouwe(n) te halen t(er) ande(r) en(de) des voirs(creven) henricks/ thijs ter derder zijden Hem met br(ieven) van des(er) stad/ alle de selve goede ende ond(er)pande behoirl(ijck) heeft/ doen leve(re)n ende den selve(n) liebrechte svorsters/ dach van rechte te comp(ar)e(re)n alh(ier) inde banc voe(r)/ meye(r) ende scepen(en) van loeven(en) doen besceyden/ oft hij hem [yet] d(aer) tegen hadde wille(n) allige(re)n Ald(aer)/ hij op heden als ten v(er)streken(en) daige [van rechte] niet geco(m)p(ar)eert/ en es noch nyema(n)t van zijne(n)t wegen den voirs(creven)/ mychiele comp(ar)e(re)nde ende trecht voirts v(er)sueken(de)/ soe v(er)re dat de scepen(en) van loeven(en) t(er) maniss(en)/ smeyers nae dat hen behoirlijc gebleken heeft/ bij rappoirte jans driedoens des(er) stadt bode/ tvoirs(creven) exploit gesciet te zijne gewesen hebbe(n)/ met vo(n)nisse wair de wed(er)p(ar)tie vand(en) voirs(creven)/ mych(iele) niet en comp(ar)eert voire den opstaen(en) smeyers/ en(de) der scepen(en) datme(n) den selve(n) mych(iele) houde soude/ inde macht van sijne(n) scepen(en) br(ieven) en(de) leveri(n)g(en) alsoe v(er)re alst noch/ voir scepen(en) comen is in scampno octobr(is) prima