Want meest(er) gheert van baussele als geleydt nae/ des(er) stadt recht voir zijn wettich gebreck uut crachte/ van scepen(en) brieven van loeven(en) tot allen den goeden/ beyde have ende erve matheus wijlen crane soe wair/ die gelegen zijn hem met brieven van des(er) stadt/ gescreven aenden meye(r) van halen oft zijne(n) stadhoude(r)/ alle de selve goede behoirlijc heeft doen leve(re)n ende/ den erfgenamen des voirs(creven) wijlen matheeus dach/ van rechte te comp(ar)e(re)n alh(ier) inde banck voe(r)/ meye(r) ende scepen(en) van loeven(en) doen bescheyden/ oft zij hen d(aer) tegen hadden willen oppone(re)n Aldair/ zij op heden als ten dage van rechte d(aer) toe dienen(de)/ niet comen en zijn noch niema(n)t van hue(re)nt weg(en)/ den voirs(creven) geleydden comp(ar)e(re)nde ende trecht voirts/ v(er)sueken(de) soe v(er)re dat de scepen(en) van loeven(en)/ t(er) manissen smeyers nae dat hen behoirlijc gebleke(n)/ heeft bij cleernissen zegers claes meyers van halen/ tvoirs(creven) exployt behoirlijc geschiet te zijne gewese(n)/ hebben met vo(n)nisse wair de wed(er)p(ar)tien vand(en)/ voirs(creven) geleydden niet en comp(ar)eert voe(r) den op/ staen(en) smeyers en(de) der scepen(en) datmen den selven/ geleydden vand(en) voirs(creven) goeden houden soude inde/ macht van zijne(n) beleyde scepen(en) br(ieven) ende leveri(n)g(en)/ alsoe verre alst noch voir scepen(en) comen is/ in scampno octobr(is) xii